ಕ್ರೀಡೆ
ಐಬಿಎಸ್ಎಫ್ ಸ್ನೂಕರ್ ಟೀಂ ವಿಶ್ವ ಕಪ್: ಪಂಕಜ್ ಅಡ್ವಾನಿ ನೇತೃತ್ವದ ತಂಡಕ್ಕೆ ಪಾಕ್ ವಿರುದ್ಧ ಜಯ
ಐಬಿಎಸ್ ಎಪ್ ಸ್ನೂಕರ್ ವಿಶ್ವಕಪ್ ಪಂದ್ಯದಲ್ಲಿ ಪಂಕಜ್ ಅಡ್ವಾನಿ ನೇತೃತ್ವದ ಭಾರತ ತಂಡ ಪಾಕಿಸ್ತಾನ ವಿರುದ್ಧ ಜಯಗಳಿಸಿದೆ.
ದೋಹಾ: ಐಬಿಎಸ್ ಎಪ್ ಸ್ನೂಕರ್ ವಿಶ್ವಕಪ್ ಪಂದ್ಯದಲ್ಲಿ ಪಂಕಜ್ ಅಡ್ವಾನಿ ನೇತೃತ್ವದ ಭಾರತ ತಂಡ ಪಾಕಿಸ್ತಾನ ವಿರುದ್ಧ ಜಯಗಳಿಸಿದೆ.
ನಿನ್ನೆ ನಡೆದ ಅಂತಿಮ ಪಂದ್ಯದಲ್ಲಿ ಪಂಕಜ್ ಅಡ್ವಾನಿ ಹಾಗೂ ಮನನ್ ಚಂದ್ರ ಅವರು ಅತ್ಯುತ್ತಮ ಪ್ರದರ್ಶನ ತೋರುವ ಮೂಲಕ ಪಾಕಿಸ್ತಾನ ತಂಡವನ್ನು ಸೋಲಿಸಿದರು.
ಪಾಕಿಸ್ತಾನದ ಬಾಬರ್ ಮಸೀ ಹಾಗೂ ಮೊಹಮ್ಮದ್ ಅಸೀಪ್ ಅವರನ್ನು 2-0 ಅಂತರದಿಂದ ಸೋಲಿಸಿ ಪ್ರಶಸ್ತಿ ಮುಡಿಗೇರಿಸಿಕೊಂಡಿತ್ತು.
ಈ ವಿಜಯ ಮರೆಯಲಾಗದಂತಹ ಅನುಭವ ನೀಡಿದೆ. ಪ್ರತಿಭಾವಂತ ಮನನ್ ಚಂದ್ರ ಜೊತೆಗಿನ ಆಟದಲ್ಲಿ ಅತೀವ ಸಂತಸಪಟ್ಟಿರುವುದಾಗಿ ಪಂಕಜ್ ಅಡ್ವಾನಿ ಟ್ವೀಟ್ ಸಂದೇಶದಲ್ಲಿ ತಿಳಿಸಿದ್ದಾರೆ.
ಇದಕ್ಕೂ ಮುನ್ನ ಪಂಕಜ್ ಅಡ್ವಾಣಿ ಮತ್ತು ಮನನ್ ಚಂದ್ರ 3-2 ಅಂತರದಿಂದ ಇರಾನ್ ತಂಡವನ್ನು ಸೋಲಿಸಿ ಪೈನಲ್ ಗೆ ಲಗ್ಗೆ ಇಟ್ಟಿದ್ದರು