ಡೇವಿಸ್‌ ಕಪ್ ಅರ್ಹತಾ ಪಂದ್ಯ: ರಾಮನಾಥನ್‌, ಪ್ರಜ್ಞೇಶ್ ಗೆ ಸೋಲು,ಇಟಲಿಗೆ 2-0 ಮುನ್ನಡೆ

ಇಲ್ಲಿನ ಸೌತ್‌ ಕ್ಲಬ್‌ನಲ್ಲಿ ನಡೆದ ಡೇವಿಸ್ ಕಪ್‌ ಅರ್ಹತಾ ಸುತ್ತಿನ ಅಂತಿಮ ದಿನದ ಪಂದ್ಯದಲ್ಲಿ ಭಾರತದ ರಾಮ್‌ಕುಮಾರ್‌ ರಾಮನಾಥನ್‌ ಹಾಗೂ ಪ್ರಜ್ಞೇಶ್ ಗುಣೇಶ್ವರನ್ ಸೋಲುವ ಮೂಲಕ ಇಟಲಿ 2-0 ಅಂಕದೊಂದಿಗೆ ಮುನ್ನಡೆ ಪಡೆದುಕೊಂಡಿದೆ.

ರಾಮ್ ಕುಮಾರ್

Updated on:

01 Feb 2019, 1:51 am

ಕೊಲ್ಕತ್ತಾ: ಇಲ್ಲಿನ ಸೌತ್‌ ಕ್ಲಬ್‌ನಲ್ಲಿ ನಡೆದ ಡೇವಿಸ್ ಕಪ್‌ ಅರ್ಹತಾ ಸುತ್ತಿನ ಅಂತಿಮ ದಿನದ ಪಂದ್ಯದಲ್ಲಿ ಭಾರತದ ರಾಮ್‌ಕುಮಾರ್‌ ರಾಮನಾಥನ್‌ ಹಾಗೂ ಪ್ರಜ್ಞೇಶ್ ಗುಣೇಶ್ವರನ್ ಸೋಲುವ ಮೂಲಕ ಇಟಲಿ 2-0 ಅಂಕದೊಂದಿಗೆ ಮುನ್ನಡೆ ಪಡೆದುಕೊಂಡಿದೆ.

ಇಟಲಿಯ ಆ್ಯಂಡ್ರೆಸ್‌ ಸೆಪ್ಪೆ ವಿರುದ್ಧ 6-4, 6-2 ಅಂತರದಲ್ಲಿ ರಾಮ್ ಕುಮಾರ್ ರಾಮನಾಥನ್ ಸೋಲು ಅನುಭವಿಸಿದರು.ಪಂದ್ಯದ ಆರಂಭದಲ್ಲಿ ಸತತ ನಾಲ್ಕು ಸರ್ವ್ ಗಳಲ್ಲಿ ಮುನ್ನಡೆ ಸಾಧಿಸಿದ್ದ ರಾಮನಾಥನ್‌, ಒಂಬತ್ತನೇ ಸರ್ವ್‌ನಲ್ಲಿ ಎದುರಾಳಿ ಆಟಗಾರ ಸೆಪ್ಪೆ ವಿರುದ್ಧ 4-5 ಹಿನ್ನಡೆ ಅನುಭವಿಸಿದರು. ಅಂತಿಮವಾಗಿ ಮೊದಲ ಸೆಟ್‌ನಲ್ಲಿ ಸೆಪ್ಪೆ ಅವರು 6-4 ಅಂತರದಲ್ಲಿ ಭಾರತದ ರಾಮ್‌ಕುಮಾರ್‌ ಅವರನ್ನು ಮಣಿಸಿದರು.

ನಂತರ ಎರಡನೇ ಸೆಟ್‌ನಲ್ಲಿ ಒತ್ತಡದಲ್ಲಿ ಕಣಕ್ಕೆ ಇಳಿದ ಭಾರತದ ಎರಡನೇ ಶ್ರೇಯಾಂಕಿತ ಆಟಗಾರ ರಾಮನಾಥನ್‌ ಅವರು, ನೀರಸ ಪ್ರದರ್ಶನ ತೋರಿ 2-6 ಅಂತರದಲ್ಲಿ ಹೀನಾಯವಾಗಿ ಸೋಲು ಕಂಡರು.

ಇದಾದ ಕೆಲವೇ ತಾಸುಗಳಲ್ಲಿ ರೈಸಿಂಗ್ ಸ್ಟಾರ್ ಮ್ಯಾಟೊ ಬೆರೆಟಿನಿ ವಿರುದ್ಧ ಭಾರತದ ಪ್ರಜ್ಞೇಶ್ ಗುಣೇಶ್ವರನ್ 6-4, 6-3 ಅಂತರದಲ್ಲಿ ಸೋಲು ಅನುಭವಿಸಿದರು. ಇದರೊಂದಿಗೆ ಭಾರತ ಮೊದಲನೇ ಸಿಂಗಲ್ಸ್‌ನಲ್ಲಿ ಸೋಲು ಅನುಭವಿಸಿತು.ಇಟಲಿ 2-0ರಲ್ಲಿ ಮುನ್ನಡೆ ಕಾಯ್ದುಕೊಂಡಿದೆ..