ತಮ್ಮ ಕಾದಂಬರಿಗಳನ್ನು ಯಾರೂ ಓದೋರೇ ಇಲ್ಲ ಎಂದ ಬೇಜಾರುಪಟ್ಟುಕೊಂಡು ಖ್ಯಾತ ಕಾದಂಬರಿಕಾರರೊಬ್ಬರು ತೀವ್ರ ಅಸ್ವಸ್ಥರಾದರು. ಕೂಡಲೇ ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಯಿತು. ಸ್ವಲ್ಪ ಸುಧಾರಿಸಿಕೊಂಡ ಮೇಲೆ ಅವರನ್ನು ವಾರ್ಡೊಂದಕ್ಕೆ ಶಿಫ್ಟ್ ಮಾಡಲಾಯಿತು. ಆ ಕಾದಂಬರಿಕಾರರಿಗೆ ಅಚ್ಚರಿ. ಅಲ್ಲಿ ಅಡ್ಮಿಟ್ ಆಗಿದ್ದ ಎಲ್ಲ ರೋಗಿಗಳ ಕೈಯಲ್ಲೂ ಅವರದ್ದೇ ಕಾದಂಬರಿಗಳಿದ್ದವು. ಖುಷಿ, ಕುತೂಹಲ ಎರಡೂ ತಡೆಯಲಾಗದೆ ಅವರು ವೈದ್ಯರಿಗೆ ಕೇಳಿದರು, 'ಏನ್ ಸಾರ್ ಈ ಆಸ್ಪತ್ರೇಲಿ ಎಲ್ರಿಗೂ ಇದೇ ಕಾದಂಬರಿ ಕೊಟ್ಟಿದ್ದೀರಲ್ಲ. ಇದು ಅಷ್ಟು ಚೆನ್ನಾಗಿದ್ಯಾ?'.
ಅದಕ್ಕೆ ವೈದ್ಯರು ಹೇಳಿದರು, 'ಛೇ ಛೇ. ಅದರ ಗುಟ್ಟೇ ಬೇರೆ. ಇವರೆಲ್ಲ ನಿದ್ದೆ ಬಾರದಿರೋ ರೋಗಿಗಳು. ಎಷ್ಟೇ ಸ್ಲೀಪಿಂಗ್ ಟ್ಯಾಬ್ಲೆಟ್ ಕೊಟ್ರೂ ಇವರಿಗೆ ನಿದ್ದೇನೆ ಬರ್ತಿರ್ಲಿಲ್ಲ. ಈ ಕಾದಂಬರಿ ಕೊಟ್ಟ ಮೇಲೆ ಎಲ್ರೂ ಐದೇ ನಿಮಿಷದಲ್ಲಿ ನಿದ್ರೆಗೆ ಜಾರತೊಡಗಿದರು...'.
ಎರಡು ನಿಮಿಷದ ನಂತರ...
ನ್ಯೂಸ್ ಚಾನೆಲ್ಲೊಂದರಲ್ಲಿ ಬ್ರೇಕಿಂಗ್‌ನ್ಯೂಸ್... 'ಖ್ಯಾತ ಕಾದಂಬರಿಕಾರರ ನಿಧನ'!
