ಬೆಳ್ಳಂಬೆಳಗ್ಗೆ ಹೂವೊಂದು ನಕ್ಕಿತ್ತು
ಅವಳ ಹಿತಸ್ಪರ್ಶಕ್ಕೆ
-
ಅವಳು ಬಂದು ನನ್ನೆದೆಯ
ಕಪ್ಪು ಕಲೆಗಳನ್ನೆಲ್ಲ ತೊಳೆದಳು.
-
ನನ್ನ ಕಪ್ಪು ಕೆನ್ನೆಯ ಮೇಲೆ
ನೀನಿಟ್ಟ ಮುತ್ತು ಬೆಳದಿಂಗಳನ್ನು ಚೆಲ್ಲಿತ್ತು.
-
ಒಮ್ಮೊಮ್ಮೆ ಇರುವೆಗಳ ಸಾಲನ್ನು ಬೆನ್ನಟ್ಟಿಕೊಂಡು ಹೋಗುತ್ತೇನೆ.
ಅವಳು ಸಿಗಬಹುದೇನೋ ಎಂದು.
-
ನನ್ನ ನೋವು ಹತಾಶೆಗಳೆಲ್ಲವೂ
ಅವಳ ಪ್ರೀತಿಯ ಆಳದೊಳಗೆ ಮುಳುಗಿ ಹೋದವು
-
ಅವಳು ಬಂದೊಡನೆ ತೋಟದಲ್ಲಿದ್ದ ಹೂವುಗಳೆಲ್ಲ ನಾಚಿ ತಲೆತಗ್ಗಿಸಿದವು
-
ಅವಳು ಮನದೊಳಗೆ ಕಾಲಿಟ್ಟಾಗಿನಿಂದ
ಬೆಳಕಿಗಾಗಿ ನಾನು ಎಂದೂ ಪರಿತಪಿಸಲಿಲ್ಲ.
ಜಗವೆಲ್ಲ ಹುಡುಕಿದೆ
ನೀನು ಸಿಗದೇ ಹೋದೆ
ನನ್ನೆದೆಯೊಳಗೆ ಇಣುಕಿದೆ
ಅಲ್ಲಿ ನೀನು ನಗುತ್ತಿದ್ದೆ.
- ನಾಗರಾಜ್ ವಾಯ್ ಕಾಂಬಳೆ
