ಟ್ರಿಪೋಲಿ: ಲಿಬಿಯಾದ ವೈಭವಯುತ ಕೋರಿಂತಿಯಾ ಹೋಟೆಲ್ ಗೆ ನುಗ್ಗಿದ ಐದು ಜನ ಸಶಸ್ತ್ರ ಬಂಧೂಕುದಾರಿಗಳು ನಡೆಸಿದ ಗುಂಡಿನ ದಾಳಿಗೆ ಮಂಗಳವಾರ ಕನಿಷ್ಟ ೫ ವಿದೇಶಿಯರು, ೩ ಜನ ಕಾವಲು ಪಡೆಯವರು ಹಾಗು ಒಬ್ಬ ಒತ್ತೆಯಾಳು ಮೃತಪಟ್ಟಿದ್ದಾರೆ ಎಂದು ವರದಿ ತಿಳಿಸಿದೆ.
ಈ ದಾಳಿಯ ವೇಳೆಯಲ್ಲಿ ಲಿಬಿಯದ ಸ್ವಘೋಷಿತ ಸರ್ಕಾರದ ಮುಖಂಡ ಒಮರ್ ಅಲ್ ಹಸ್ಸಿ ಅವರು ಕೂಡ ಹೋಟೆಲ್ ನಲ್ಲಿ ತಂಗಿದ್ದರು ಎಂದು ತಿಳಿದು ಬಂದಿದೆ. ಆದರೆ ಭದ್ರತಾ ಪಡೆಗಳು ಅವರನ್ನು ಸುರಕ್ಷಿತವಾಗಿ ಹೊರಕ್ಕೆ ಕೊಂಡೊಯ್ದಿದ್ದಾರೆ ಎಂದು ಕೂಡ ತಿಳಿದುಬಂದಿದೆ.
ಮಂಗಳವಾರ ತಡ ರಾತ್ರಿ ನಡೆದ ಈ ದಾಳಿಯಲ್ಲಿ, ಭದ್ರತಾ ಪಡೆ ಹೋಟೆಲ್ ಅನ್ನು ಸುತ್ತುವರೆದ ಮೇಲೆ ದಾಳಿಕೋರರಲ್ಲಿ ಮೂವರು ಸ್ಫೋಟಿಸಿಕೊಂಡಿದ್ದಾರೆ. ಈ ದಾಳಿಗೆ ಇಸ್ಲಾಮಿಕ್ ಸ್ಟೇಟ್ ಹೊಣೆ ಹೊತ್ತಿದೆ.
