ಮೋದಿ ಅಧಿಕಾರವಧಿಯಲ್ಲಿ ಕೈಗಾರಿಕಾವಲಯ ಹೆಚ್ಚು ಬದಲಾವಣೆ ಕಂಡಿಲ್ಲ

ನವದೆಹಲಿ: ಕಳೆದ 6 ತಿಂಗಳಲ್ಲಿ ಕೈಗಾರಿಕಾ ವಲಯದಲ್ಲಿ ಹೆಚ್ಚಿನ ಬದಲಾವಣೆಗಳೇನೂ ನಡೆದಿಲ್ಲ ಎಂದು ಉದ್ಯಮಿಗಳು ಅಭಿಪ್ರಾಯ ಪಟ್ಟಿದ್ದಾರೆ ಎಂದು ಅಸೋಚಾಮ್ ನಡೆಸಿದ ಸಮೀಕ್ಷೆಯಲ್ಲಿ ಉಲ್ಲೇಖಿಸಲಾಗಿದೆ.

ಪ್ರಧಾನಿ ನರೇಂದ್ರ ಮೋದಿ ಅಧಿಕಾರಕ್ಕೇರಿದ ನಂತರ ಕೈಗಾರಿಕಾ ವಲಯದಲ್ಲಿ ಹೊಸ ಕ್ರಾಂತಿ ಆಗುತ್ತದೆ ಎಂದು ಉದ್ಯಮಿಗಳು ಭಾವಿಸಿದ್ದರು. ಆದರೆ ಅವರು ಅಂದು ಕೊಂಡಷ್ಟು ಸಾಧನೆ ಅಥವಾ ಬದಲಾವಣೆಗಳಾಗಲೀ ಈ ವಲಯದಲ್ಲಿ ಸಾಧ್ಯವಾಗಿಲ್ಲ ಎಂದು ಈ ಸಮೀಕ್ಷೆಯಲ್ಲಿ ಹೇಳಲಾಗಿದೆ.

ಅದೇ ವೇಳೆ  2015ರ ಮೊದಲಾರ್ಧವಧಿಯಲ್ಲಿ  ಕೈಗಾರಿಕಾ ವಲಯ ಹೆಚ್ಚಿನ ಪ್ರಗತಿ ಕಾಣಲಿದೆ ಎಂಬುದಾಗಿಯೂ ಸಮೀಕ್ಷೆಯಲ್ಲಿ ಹೇಳಲಾಗಿದ್ದು, ಕಾರ್ಪೊರೇಟ್ ವಲಯದಲ್ಲಿ ಉದ್ಯೋಗವಕಾಶಗಳು ಜಾಸ್ತಿಯಾಗಲಿವೆ.

ಜನವರಿ- ಮಾರ್ಚ್ 2015 ತೈಮಾಸಿಕದಲ್ಲಿ ದೇಶೀಯ ಹೂಡಿಕೆ ಯೋಜನೆ ಮತ್ತು ವಿದೇಶಿ ಹೋಡಿಕೆಗಳಲ್ಲಿ ಯಾವುದೇ ಬದಲಾವಣೆಗಳುಂಟಾಗುವ ಸಾಧ್ಯತೆಯಿಲ್ಲ ಎಂದು ಶೇ. 45.8 ಉದ್ಯಮಿಗಳು ಅಭಿಪ್ರಾಯ ಪಟ್ಟಿದ್ದಾರೆ.

ಆದಾಗ್ಯೂ, ರಫ್ತು ಮಾರುಕಟ್ಟೆ ಮಂದಗತಿಯಲ್ಲಿಯೇ ಮುಂದುವರಿಯಲಿದೆ ಎಂದು ಸಮೀಕ್ಷೆಯಲ್ಲಿ ಹೇಳಲಾಗಿದೆ.