ಇಂದು ಅಮೆರಿಕಕ್ಕೆ ತಿರುಗೇಟು ನೀಡಿರುವ ಚೀನಾ, ಚೀನಾದ ವಿದೇಶಾಂಗ ವ್ಯವಹಾರಗಳ ಅಧಿಕಾರಿ ಹಾಂಗ್ ಲೀ, ಅಮೆರಿಕದ ಅಧಿಕಾರಿಗಳು ಸತ್ಯವನ್ನು ಬದಿಗೊತ್ತಿ ಚೀನಾದ ವಿರುದ್ಧ ವೃಥಾ ಆರೋಪ ಹೊರಿಸುತ್ತಿದ್ದಾರೆ. ಎನ್ಎಸ್ಜಿ ಸಭೆಯಲ್ಲಿ ಭಾರತದ ಸದಸ್ಯತ್ವದ ಅಜೆಂಡಾ ಮಾತ್ರ ಇರಲಿಲ್ಲ. ಹಲವಾರು ವಿಷಯಗಳ ಕುರಿತು ಚರ್ಚಿಸಲಾಯಿತು. ಸಭೆಯಲ್ಲಿ ಯಾವುದೇ ಒಂದು ರಾಷ್ಟ್ರವನ್ನು ಎನ್ಎಸ್ಜಿಗೆ ಸೇರ್ಪಡೆ ಮಾಡಿಕೊಳ್ಳುವ ಸಂಬಂಧ ಚರ್ಚೆ ನಡೆಸಲಾಗಿಲ್ಲ. ಸಭೆಯಲ್ಲಿ ಸದಸ್ಯತ್ವ ನೀಡುವ ಸಂಬಂಧ ಇರುವ ತಾಂತ್ರಿಕ, ಶಾಸನಾತ್ಮಕ ಮತ್ತು ರಾಜಕೀಯ ವಿಚಾರಗಳ ಕುರಿತು ಮಾತ್ರ ಚರ್ಚೆ ನಡೆಸಲಾಯಿತು ಎಂದು ಅಮೆರಿಕದ ವಿರುದ್ಧ ವಾಗ್ದಾಳಿ ನಡೆಸಿದರು.
