ಪೊಲೀಸರು ಹೇಳುವ ಪ್ರಕಾರ ಪ್ರಾಥಮಿಕ ತನಿಖೆಯಿಂದ ತಿಳಿದುಬಂದಿರುವ ವಿಷಯವೇನೆಂದರೆ ಬಾಲಯ್ಯ ತನ್ನ ಮಗಳ ಮದುವೆಗಾಗಿ ಲೇವಾದೇವಿಯವರಿಂದ ಪಡೆದಿದ್ದ ಸಾಲ ತೀರಿಸಲು ತನ್ನ ವ್ಯವಸಾಯ ಭೂಮಿಯನ್ನು ಮಾರಲು ಮುಂದಾಗಿದ್ದರು. ಕೆಲವು ವಾರಗಳ ಹಿಂದೆಯಷ್ಟೇ ಆ ಜಮೀನಿಗೆ ೧೨ ಲಕ್ಷ ಕೊಡಲು ಕೆಲವರು ಒಪ್ಪಿ ಮುಂದೆ ಬಂದಿದ್ದರು. ಆದರೆ ೫೦೦ ಮತ್ತು ೧೦೦೦ ರೂ ಹಿಂಪಡೆತದ ನಿರ್ಧಾರದಿಂದ ಭೂಮಿಯ ಬೆಲೆ ಧಿಢೀರ್ ಕುಸಿತ ಕಂಡು, ಅದಕ್ಕೆ ಅರ್ಧ ಬೆಲೆಯೂ ಸಿಗಲಾರದೆ ಹೋಗಿದ್ದರಿಂದ ಭೀತರಾದ ಬಾಲಯ್ಯ ಈ ಕ್ರಮಕ್ಕೆ ಮುಂದಾಗಿದ್ದಾರೆ.
