ಮನರಂಜನೆ
ವಿಕ್ಟೋರಿಯಾ ಚಿತ್ರದ ಟ್ರೈಲರ್
ಸ್ಪೈನ್ ನಿಂದ ಬರ್ಲಿನ್ ಗೆ ಆಗಮಿಸುವ ಸುಂದರ ಯುವತಿಯೊಬ್ಬಳಿಗೆ ಹೊಸ ಊರಿನಲ್ಲಿ ಕಿಡಿಗೇಡಿಗಳಿಂದ ಕಿರುಕುಳ ಎದುರಾಗುತ್ತದೆ. ಆರಂಭದಲ್ಲಿ ಯುವತಿ ಇದನ್ನು ಅಲಕ್ಷಿಸಿದರೂ. ಕಿಡಿಗೇಡಿ ಯುವಕರ ಗುಂಪು ಆಕೆಯನ್ನು ಬೆನ್ನು ಬಿಡದೆ ಕಾಟ ಕೊಡಲು ಆರಂಭಿಸಿದಾಗ ಯುವತಿ ವಿರೋಧಿಸುತ್ತಾಳೆ. ಆಗ ಆಕೆಯ ಮೇಲೆ ಮಾರಣಾಂತಿಕ ಹಲ್ಲೆಗೆ ಕಿಡಿಗೇಡಿಗಳು ಮುಂದಾಗುತ್ತಾರೆ. ಆ ಕಿಡಿಗೇಡಿಗಳಿಂದ ಯುವತಿ ಹೇಗೆ ತಪ್ಪಿಸಿಕೊಳ್ಳುತ್ತಾಳೆ ಎಂಬ ಕಥೆಯೇ ವಿಕ್ಟೋರಿಯಾ. ಚಿತ್ರದ ವಿಶೇಷ ವೆಂದರೆ ಇಡೀ ಚಿತ್ರಕಥೆ ಒಂದು ರಾತ್ರಿಯಲ್ಲಿ ನಡೆಯಲಿದ್ದು, ಇಡೀ ಚಿತ್ರವನ್ನು ಒಂದೇ ಶಾಟ್ ನಲ್ಲಿ ಚಿತ್ರೀಕರಿಸಲಾಗಿದೆ.