ಬಾಹುಬಲಿ ಚಿತ್ರದ ಬಲ್ಲಾಳದೇವನ ಗೂಳಿ ಗುದ್ದಾಟ ಮೂಡಿಬಂದಿದ್ದು ಹೇಗೆ ಗೊತ್ತಾ..?

ತನ್ನ ಮೇಕಿಂಗ್ ನಿಂದಲೇ ಭಾರತೀಯ ಚಿತ್ರರಂಗದ ಗಮನ ಸೆಳೆದಿದ್ದ ದಕ್ಷಿಣ ಭಾರತದ ಚಿತ್ರ ಬಾಹುಬಲಿ. ಶೇ.80 ರಷ್ಟು ಗ್ರಾಫಿಕ್ಸ್ ನಿಂದಲೇ ಕೂಡಿದ್ದ ಬಾಹುಬಲಿ ಚಿತ್ರದ ಪ್ರಮುಖ ಆಕರ್ಷಣೆಗಳಲ್ಲಿ ರಾಣಾ ಮಾಡಿದ್ದ ಬಲ್ಲಾಳ ದೇವನ ಪಾತ್ರ ಮತ್ತು ಆತನ ತೋಳ್ಬಲ ಪ್ರದರ್ಶನಕ್ಕಾಗಿ ಗೂಳಿಯೊಂದಿಗೆ ಗುದ್ದಾಡುವ ಸನ್ನಿವೇಶ ಎಲ್ಲರನ್ನೂ ಮೂಕವಿಸ್ಮಿತರಾಗುವಂತೆ ಮಾಡಿತ್ತು. ಈ ಸನ್ನಿವೇಶದ ಚಿತ್ರೀಕರಣ ಮತ್ತು ಗ್ರಾಫಿಕ್ಸ್ ನಿಂದ ಹೇಗೆ ನಕಲಿ ಗೂಳಿಯನ್ನು ಸೃಷ್ಟಿಸಲಾಗಿತ್ತು ಎಂಬ ಅಂಶವನ್ನು ಚಿತ್ರತಂಡ ಬಹಿರಂಗಗೊಳಿಸಿದೆ.