ಮಾಸ್ಕೋ: ಕಳೆದ ೯ ದಿನಗಳಿಂದ ಸಿರಿಯಾದ ಸುಮಾರು ೧೫೦೦ ಸ್ಥಳಗಳನ್ನು ಗುರಿಯಾಗಿಸಿಕೊಂಡು ರಷ್ಯಾದ ವಾಯುಪಡೆ ದಾಳಿ ನಡೆಸಿದೆ.
೧೪೫೮ ಕಡೆ ಬಾಂಬ್ ದಾಳಿ ನಡೆಸಿರುವುದಾಗಿ ರಷ್ಯಾದ ಭದ್ರತಾ ಪಡೆ ತಿಳಿಸಿದ್ದು, ಅವುಗಳೆಲ್ಲವೂ ಇಸ್ಲಾಮಿಕ್ ಸ್ಟೇಟ್ ಹಿಡಿತದಲ್ಲಿದ್ದವೇ ಎಂಬುದನ್ನು ಸ್ಪಷ್ಟಪಡಿಸಿಲ್ಲ.
ಈ ವಾಯು ದಾಳಿಯಿಂದ ಉಗ್ರಗಾಮಿಗಳ ಅತಿ ದೊಡ್ಡ ಅಡಗುತಾಣವನ್ನು ಧ್ವಂಸ ಮಾಡಿದ್ದೇವೆ ಎಂದು ಭದ್ರತಾ ಪಡೆಗಳ ಅಧಿಕಾರಿಗಳು ತಿಳಿಸಿದ್ದಾರೆ.
ತೈಲ ಸಾಕಾಣೆಗೆ ಬಳಸಲಾಗುವ ಸುಮಾರ್ ೪೦ ಟ್ರಕ್ಕುಗಳನ್ನು ಈ ದಾಳಿಯಲ್ಲಿ ನಾಶಪಡಿಸಲಾಗಿದೆ ಅಲ್ಲದೆ ೧೨ ಪೆಟ್ರೋಲ್ ಪಂಪ್ಗಳು ಮತ್ತು ೮ ತೈಲ ನಿಕ್ಷೇಪಗಳನ್ನು ಕೂಡ ಗುರಿಯಾಗಿಸಿ ದಾಳಿ ಮಾಡಲಾಗಿದೆ.
ಇತ್ತೀಚೆಗಷ್ಟೇ ಸಿರಿಯಾ ಮತ್ತು ಟರ್ಕಿ ಗಡಿಯಲ್ಲಿ ರಷ್ಯಾದ ಯುದ್ಧವಿಮಾನವನ್ನು ಟರ್ಕಿ ಹೊಡೆದುರುಳಿಸಿದ್ದಕ್ಕೆ ರಷ್ಯಾ ಮಿಲಿಟರಿಯಲ್ಲಿ ಉದ್ವೇಗ ಹೆಚ್ಚಿದ್ದು, ತನ್ನೆಲ್ಲ ಬಾಂಬರ್ ವಿಮಾನಗಳಿಗೆ ರಕ್ಷಣೆ ಒದಗಿಸಲು ಸುಖೋಯ್ ೩೦ ಯುಧಾ ವಿಮಾನಗಳನ್ನು ನಿಯೋಜಿಸಿದೆ.
ಐಸ್ ಹಿಡಿತದ ತೈಲ ನಿಕ್ಷೇಪಗಳಿಂದ ತೈಲವನ್ನು ಟರ್ಕಿ ಕಳ್ಳ ಸಾಗಾಣೆ ಮಾಡುತ್ತಿದೆ ಎಂದು ರಷ್ಯ ಕಳೆದ ವಾರ ಆರೋಪಿಸಿತ್ತು.
