ಭಾರತೀಯ ಸಿಂಹ ತಳಿ ಅಳಿವಿನಂಚಿನಲ್ಲಿ

ವಾಷಿಂಗ್ಟನ್: ಭಾರತ ಮತ್ತು ಆಫ್ರಿಕ ದೇಶಗಳಲ್ಲಿ ಕಂಡು ಬರುವ ಒಂದು ಜಾತಿಯ ಸಿಂಹದ ಸಂತತಿಯನ್ನು ಅಳಿವಿನಂಚಿನಲ್ಲಿರುವ ಸಿಂಹಸಂತತಿಗಳ ಪಟ್ಟಿಗೆ ಅಮೆರಿಕ ಸೇರಿಸಿದೆ. 

ಕಳೆದ ಎರಡು ದಶಕಗಳಲ್ಲಿ ದಿಢೀರ್ ಅವುಗಳ ಸಂಖ್ಯೆ ಕುಂಠಿತಗೊಂಡಿರುವುದನ್ನು ಗಮನಿಸಿ ಅಮೆರಿಕದ ಫಿಷ್ ಆ್ಯಂಡ್ ವೈಲ್ಡ್ ಲೈಫ್ ಸರ್ವಿಸ್ ಸಿಂಹಗಳ ತಳಿಯ ಪಟ್ಟಿಯನ್ನು ಸೇರಿಸಿದೆ. ಸದ್ಯಕ್ಕೆ ಈ ಜಾತಿಯ ಒಟ್ಟು 1400 ಸಿಂಹಗಳಷ್ಟೇ ಉಳಿದಿದ್ದು, ಭಾರತದಲ್ಲಿ 523 ಸಿಂಹಗಳಿದ್ದರೆ, ಆಫ್ರಿಕದ ಕಾಡುಗಳಲ್ಲಿ 900 ಕೇಸರಿಗಳು ಉಳಿದಿವೆ. 

ಎರಡು ದಶಕಗಳಲ್ಲಿ ಸುಮಾರು ಶೇ.43ರಷ್ಟು ಸಿಂಹಸಂಖ್ಯೆ ಇಳಿಕೆಯಾಗಿದೆ ಎಂದು ಅಂಕಿಅಂಶಗಳು ಹೇಳುತ್ತಿವೆ. 

ಪಟ್ಟಿಗೆ ಈ ಸಂತತಿ ಸೇರ್ಪಡೆಯ ನಂತರ ಅಂತಿಮ ಸಿಂಹ ನೀತಿ ಪ್ರಕಟವಾಗಲಿದೆ. ಇದನ್ನು ಒಳಗೊಂಡ ಫೆಡರಲ್ ರಿಜಿಸ್ಟರ್ ಡಿ.23ಕ್ಕೆ ಬಿಡುಗಡೆಯಾಗಲಿದ್ದು, ಬರುವ ವರ್ಷ ಜ.22ರಿಂದ ಅಧಿಕೃತ ಘೋಷಣೆಯಾಗಲಿದೆ.