ಸೌದಿ ಆಸ್ಪತ್ರೆ ಬೆಂಕಿ ಅವಘಡಕ್ಕೆ: ಸಾವಿನ ಸಂಖ್ಯೆ 31ಕ್ಕೆ ಏರಿಕೆ

ರಿಯಾದ್: ಸೌದಿ ಅರೇಬಿಯಾದ ಆಸ್ಪತ್ರೆಯೊಂದರಲ್ಲಿ ರಾತ್ರೋರಾತ್ರಿ ನಡೆದ ಅಗ್ನಿ ದುರಂತದಲ್ಲಿ ಸಾವನ್ನಪ್ಪಿದವರ ಸಂಖ್ಯೆ 31ಕ್ಕೆ ಏರಿಕೆಯಾಗಿದೆ. ಘಟನೆಯಲ್ಲಿ 100ಕ್ಕೂ ಅಧಿಕ ಮಂದಿ ಗಾಯಗೊಂಡಿದ್ದಾರೆ. 

ಸೌದಿಯ ನೈರುತ್ಯ ಪ್ರಾಂತ್ಯದ ಜಿಝಾನ್ ಎಂಬಲ್ಲಿನ ಆಸ್ಪತ್ರೆಯಲ್ಲಿ ಬುಧವಾರ ತಡರಾತ್ರಿ ಈ ದುರ್ಘಟನೆ ಸಂಭವಿಸಿತ್ತು. ಆಸ್ಪತ್ರೆಯ ತುರ್ತು ನಿಗಾ ಘಟಕ, ಪ್ರಸೂತಿ ಮತ್ತು ನವಜಾತ ಶಿಶುಗಳ ನಿಗಾ ವಾಡ್ರ್ ನಲ್ಲಿ ಒಮ್ಮಿಂದೊಮ್ಮೆಲೇ ಬೆಂಕಿ ಕಾಣಿಸಿ ಕೊಂಡಿದ್ದು, ಕ್ಷಣಮಾತ್ರದಲ್ಲಿ ಇಡೀ ಆಸ್ಪತ್ರೆ ಯಾದ್ಯಂತ ವ್ಯಾಪಿಸಿತು ಎಂದು ಪ್ರತ್ಯಕ್ಷ ದರ್ಶಿಯೊಬ್ಬರು ತಿಳಿಸಿದ್ದಾರೆ. 

ವಿದ್ಯುತ್ ಶಾರ್ಟ್ ಸಕ್ರ್ಯೂಟ್‍ನಿಂದ ಈ ಅವಘಡ ಸಂಭವಿಸಿರಬಹುದು ಎಂದು ಮೇಲ್ನೋಟಕ್ಕೆ ಕಂಡುಬಂದರೂ, ಅನಾಹುತಕ್ಕೆ ನಿಖರ ಕಾರಣ ಇನ್ನೂ ತಿಳಿದುಬಂದಿಲ್ಲ ಎಂದು ಸೌದಿ ರಕ್ಷಣಾ ಇಲಾಖೆ ವಕ್ತಾರ ಖಹತನಿ ತಿಳಿಸಿದ್ದಾರೆ. ಜಝಾನ್ ಎನ್ನುವುದು ಯೆಮೆನ್ ಗಡಿಗೆ ಸಮೀಪವಿದ್ದು, ಇಲ್ಲಿ ಹೂತಿ ಬಂಡುಕೋರರು ಮತ್ತು ಸೌದಿ ಬೆಂಬಲಿತ ಪಡೆಗಳ ನಡುವೆ ಭಾರಿ ಕದನ ನಡೆಯುತ್ತಿದೆ. 

ಇತ್ತೀಚೆಗಷ್ಟೇ ಯೆಮೆನ್‍ನಿಂದ ಉಡಾಯಿ ಸಲಾದ ಕ್ಷಿಪಣಿಯೊಂದು ಜಝಾನ್‍ಗೆ ಬಂದು ಬಿದ್ದ ಪರಿಣಾಮ ನಾಲ್ವರು ಭಾರತೀಯರು ಅಸುನೀಗಿದ್ದರು. ಆದರೆ, ಆಸ್ಪತ್ರೆಯ ದುರಂತಕ್ಕೂ ಇದಕ್ಕೂ ಸಂಬಂಧವಿಲ್ಲ ಎಂದು ಖಹತನಿ ಹೇಳಿದ್ದಾರೆ.