ಒಟ್ಟಾವಾ: ಭಾರತೀಯ ಮೂಲದ ಹರ್ಜಿತ್ ಸಜ್ಜಾನ್ ಅವರನ್ನು ಕೆನಡಾದ ನೂತನ ರಕ್ಷಣಾ ಸಚಿವರಾಗಿ ನೇಮಕವಾಗಿದ್ದಾರೆ. ಕೆನಡಾ ಪ್ರಧಾನಿ ಜುಸ್ಟಿನ್ ಅವರ 30 ಮಂದಿಯ ಸಂಪುಟಕ್ಕೆ ಸಜ್ಜಾನ್ ಸೇರ್ಪಡೆಗೊಂಡಿದ್ದಾರೆ.
ಒಟ್ಟಾವಾದಲ್ಲಿ ಪ್ರಧಾನಿ ಜುಸ್ಟಿನ್ ಅವರ 30 ಮಂದಿ ಸಂಪುಟ ಸದಸ್ಯರ ಜೊತೆ ಹರ್ಜಿತ್ ಸಜ್ಜಾನ್ ಕೂಡ ಪ್ರಮಾಣವಚನ ಸ್ವೀಕರಿಸಿದರು.
ಕೆನಡಾ ಆರ್ಮಿ ಫೋರ್ಸ್ ನಲ್ಲಿ ಲೆಫ್ಟಿನೆಂಟ್ ಕರ್ನಲ್ ಆಗಿ ಸೇವೆ ಸಲ್ಲಿಸಿದ್ದ ಹರ್ಜಿತ್ ಸಜ್ಜಾನ್ ಅವರು ಕೆನಡಾ ದಕ್ಷಿಣ ವ್ಯಾನ್ ಕೋವರ್ ಕ್ಷೇತ್ರದಿಂದ ಸಂಸದರಾಗಿ ಆಯ್ಕೆಯಾಗಿದ್ದರು.
ಭರ್ಜರಿ ಸಮಾರಂಭದಲ್ಲಿ ಜುಸ್ಟಿನ್ ಕೆನಡಾದ 23ನೇ ಪ್ರಧಾನಿಯಾಗಿ ಪ್ರತಿಜ್ಞಾವಿಧಿ ಸ್ವೀಕರಿಸಿದ್ದರು. ಹರ್ಜಿತ್ ಸಜ್ಜಾನ್ ಬೋಸ್ನಿಯಾ ಮತ್ತು ಅಫ್ಘಾನಿಸ್ತಾನದ ಕಂದಹಾರ್ ನಲ್ಲಿ ಮಿಲಿಟರಿ ಸೇವೆ ಸಲ್ಲಿಸಿದ್ದರು. ಹರ್ಜಿತ್ ಸೇವೆಗಾಗಿ 2013ರಲ್ಲಿ ಪದಕವನ್ನು ಪಡೆದಿದ್ದರು.
ಹರ್ಜಿತ್ ಸಜ್ಜಾನ್ ಭಾರತದಲ್ಲೇ ಜನಿಸಿದ್ದರು. ಅವರು 5 ವರ್ಷದವರಾಗಿದ್ದಾಗ ತಮ್ಮ ಪೋಷಕರೊಡನೆ ಕೆನಡಾಗೆ ತೆರಳಿ ಅಲ್ಲಿಯೇ ನೆಲೆಸಿದ್ದರು.
Advertisement