ಸಿಂಗಪುರ ಪ್ರಧಾನಿಗೆ 1849 ರ ಸಿಂಗಪುರ ನಕ್ಷೆಯ ನಕಲು ಉಡುಗೊರೆ ನೀಡಿದ ಮೋದಿ

ಸಿಂಗಾಪುರ್: ಸಿಂಗಪುರ ಪ್ರವಾಸದಲ್ಲಿರುವ ಪ್ರಧಾನಿ ನರೇಂದ್ರ ಮೋದಿ, ಸಿಂಗಪುರ ಪ್ರಧಾನಿ ಲೀ ಸೀನ್ ಲೂಂಗ್ ಅವರಿಗೆ 1849 ರಲ್ಲಿ ಸಿದ್ಧಪಡಿಸಲಾಗಿದ್ದ ಸಿಂಗಪುರದ ನಕ್ಷೆಯ ನಕಲನ್ನು ಉಡುಗೊರೆ ನೀಡಿದ್ದಾರೆ.
"ಸಿಂಗಪುರ ಪ್ರಧಾನಿಗೆ 1849 ರಲ್ಲಿ ಸಿದ್ಧಪಡಿಸಲಾಗಿದ್ದ ನಕ್ಷೆಯ ನಕಲನ್ನು ಉಡುಗೊರೆ ನೀಡಲಾಯಿತು" ಎಂದು  ಪ್ರಧಾನಿ ನರೇಂದ್ರ ಮೋದಿ ಟ್ವೀಟ್ ಮಾಡಿದ್ದಾರೆ. ಸಿಂಗಪುರ ಪ್ರವಾಸದ 2 ನೇ ದಿನದಂದು ಪ್ರಧಾನಿ ಮೋದಿ, ಲೀ ಸೀನ್ ಲೂಂಗ್ ದ್ವಿಪಕ್ಷೀಯ ಮಾತುಕತೆ ನಡೆಸಿದ್ದಾರೆ. ಮೋದಿ ಅವರಿಗೆ ಪ್ರಧಾನಿ ಲೀ ಊಟದ ಔತಣಕೂಟ ಆಯೋಜಿಸಿದ್ದರು.
1842 -45 ಅವಧಿಯಲ್ಲಿ 52 X 52 ಇಂಚು, ಅಳತೆಯ ಸಿಂಗಪುರದ ಸ್ಥಳಾಕೃತಿಯ ವಿವರಗಳನ್ನು ಹೊಂದಿದ ನಕ್ಷೆಯ ನಕಲನ್ನು ನೀಡಿರುವುದಾಗಿ ಪ್ರಧಾನಿ ಮೋದಿ ತಿಳಿಸಿದ್ದಾರೆ. ದಹಲಿ ನ್ಯಾಷನಲ್ ಆರ್ಕೈವ್ಸ್ ನಕ್ಷಾಶಾಸ್ತ್ರ ಸಂಗ್ರಹದಿಂದ ನಕ್ಷೆಯ ನಕಲನ್ನು ತಯಾರಿಸಲಾಗಿದೆ ಎಂದು ಮೋದಿ ಟ್ವೀಟ್ ನಲ್ಲಿ ತಿಳಿಸಿದ್ದಾರೆ.