ಕಾರು ಅಪಘಾತ: ಕೂದಲೆಳೆ ಅಂತರದಲ್ಲಿ ಬಚಾವಾದ ಫುಟ್ ಬಾಲ್ ಆಟಗಾರ ರೊನಾಲ್ಡಿನೊ

ಬ್ರೆಜಿಲ್: ಎರಡು ಬಾರಿ ವರ್ಷದ ಫೀಫಾ ವಿಶ್ವ ಫುಟ್ಬಾಲ್ ಆಟಗಾರ ಪ್ರಶಸ್ತಿ ಪಡೆದಿದ್ದ ಬ್ರೆಜಿಲ್ ನ ರೊನಾಲ್ಡಿನೊ ಕಾರು ಅಪಘಾತದಲ್ಲಿ ಕೂದಲೆಳೆ ಅಂತರದಲ್ಲಿ ಬಚಾವಾಗಿದ್ದಾರೆ.
ತಾಯಿಯ ಜನ್ಮದಿನವನ್ನು ಆಚರಿಸಲು ಪೊರ್ಟೊ ಅಲೆಗ್ರೆಗೆ ತೆರಳುತ್ತಿದ್ದ ವೇಳೆ ಅಪಘಾತ ಸಂಭವಿಸಿದ್ದು ಗಾಯಗಳಾಗದೇ ರೆನಾಲ್ಡಿನೋ ಸುರಕ್ಷಿತವಾಗಿದ್ದಾರೆ. ಕಾರು ಅಪಘಾತದಲ್ಲಿ ಕಾರುಚಾಲಕ ರೆನಾಲ್ಡಿನೋ, ರೆನಾಲ್ಡಿನೋ ಸಹೋದರ ಇದ್ದರು. ಆಳವಿಲ್ಲದ ರಸ್ತೆಬದಿಯ ಕಂದಕಕ್ಕೆ ಜಾರಿದ್ದರಿಂದ ಅಪಘಾತ ಸಂಭವಿಸಿದೆ. ಅಪಘಾತದ ಫೋಟೊಗಳನ್ನು ಸಾಮಾಜಿಕ ತಾಣದಲ್ಲಿ ಪ್ರಕಟಿಸಲಾಗಿದೆ.
ಗಂಭೀರ ಅಪಘಾತವೇನು ಸಂಭವಿಸಿಲ್ಲ, ಕಾರಿನಲ್ಲಿದ್ದವರಿಗೆ ಯಾವುದೇ ಅಪಾಯವಾಗಿಲ್ಲ ಎಂದು ರೆನಾಲ್ಡಿನೋ ಹೇಳಿಕೆ ನೀಡಿದ್ದಾರೆ.