ಕಾಬುಲ್: ಆಫ್ಘಾನಿಸ್ಥಾನದ ನಾಂಗರ್ಹರ್ ಪ್ರಾಂತ್ಯದಲ್ಲಿ ಮೂರು ಹೊಸ ಪೋಲಿಯೋ ಪ್ರಕರಣಗಳು ಪತ್ತೆಯಾಗಿರುವುದನ್ನು ನಾಗರಿಕ ಆರೋಗ್ಯ ಸಚಿವಾಲಯ ತಿಳಿಸಿದೆ.
ಅಚಿನ್ ಮತ್ತು ಶೀರ್ಜಾದ್ ಜಿಲ್ಲೆಗಳಲ್ಲಿ ಮೂರು ಪೋಲಿಯೋ ಪ್ರಕರಣಗಳು ಪತ್ತೆಯಾಗಿರುವುದಾಗಿ ಸಚಿವಾಲಯದ ವಕ್ತಾರ ವಾಹಿದುಲ್ಲ ಮಾಯರ್ ಹೇಳಿದ್ದಾರೆ ಎಂದು ಖಾಮ ಪ್ರೆಸ್ ವರದಿ ಮಾಡಿದೆ.
ಜಾಗತಿಕವಾಗಿ ಉಳಿದೆಲ್ಲಾ ದೇಶಗಳಲ್ಲಿ ಪೋಲಿಯೋ ನಿರ್ಮೂಲನೆಯಾಗಿದ್ದರೂ ಪಾಕಿಸ್ತಾನ ಮತ್ತು ಆಪ್ಘಾನಿಸ್ತಾನದ ಕೆಲವು ಭಾಗಗಳಲ್ಲಿ ಪೋಲಿಯೋ ಇನ್ನು ಉಳಿದುಕೊಂಡಿದೆ.
ಈ ರೋಗ ಹೆಚ್ಚು ಮಕ್ಕಳಿಗೆ ತಗಲದಂತೆ ತಡೆಯಲು ಆಫ್ಘಾನಿಸ್ಥಾನದ ಗಡಿಗಳಲ್ಲಿ ಆರೋಗ್ಯ ಕಾರ್ಯಕರ್ತರು ಸಜ್ಜಾಗಿದ್ದಾರೆ ಎಂದು ತಿಳಿದುಬಂದಿದೆ. ಆದರೆ ಜನರು ಸಾಮಾನ್ಯವಾಗಿ ಗಡಿಗಳ ಚೆಕ್ ಪೋಸ್ಟ್ ನಲ್ಲಿ ದಾಟದೆ ಬೇರೆಯ ಸರಳ ಮಾರ್ಗಗಳನ್ನು ಅರಸಿಕೊಳ್ಳುವುದು ತೊಡಕಾಗಿದೆ ಎಂದು ತಿಳಿದುಬಂದಿದೆ.
Advertisement