ಸಾಮಾಜಿಕ ಜಾಲತಾಣದಲ್ಲಿ ಅತ್ಯಾಚಾರವನ್ನು ನೇರ ಪ್ರಸಾರ ಮಾಡಿದ ಯುಎಸ್ ಮಹಿಳೆ ವಿರುದ್ಧ ಕೇಸ್

ನ್ಯೂಯಾರ್ಕ್: ಅಮೆರಿಕದ 18 ವರ್ಷದ ವರ್ಷದ ಯುವತಿ ವಿರುದ್ಧ ತನ್ನ ಸ್ನೇಹಿತ ಅಪ್ರಾಪ್ತೆಯ ಮೇಲೆ ಅತ್ಯಾಚಾರ ನಡೆಸಿರುವುದನ್ನು ಸಾಮಾಜಿಕ ಜಾಲತಾಣದ ಮೂಲಕ ನೇರ ಪ್ರಸಾರ ಮಾಡಿರುವ ಆರೋಪ ಕೇಳಿಬಂದಿದ್ದು, ಪ್ರಕರಣ ದಾಖಲಾಗಿದೆ.
ಮರೀನಾ ಅಲೆಕ್ಸೀವ್ನಾ ಲೋನಿನಾ  ಆಕೆಯ 17 ವರ್ಷದ ಸ್ನೇಹಿತೆ ಹಾಗೂ ಸ್ನೇಹಿತ ರೇಮಂಡ್ ಬಾಯ್ಡ್ ಗೇಟ್ಸ್ (29) ನೊಂದಿಗೆ ಮದ್ಯ ಸೇವಿಸುತ್ತಿದ್ದರು. ಈ ವೇಳೆ ಗೇಟ್ಸ್ 17 ವರ್ಷದ ಯುವತಿ ಮೇಲೆ ಅತ್ಯಾಚಾರವೆಸಗಿದ್ದಾನೆ. ನೇರ ಪ್ರಸಾರ ಮಾಡಲು ಅವಕಾಶವಿರುವ ಸ್ಟ್ರೀಮಿಂಗ್ ಅಪ್ಲಿಕೇಶನ್ ಮೂಲಕ ಅತ್ಯಾಚಾರವನ್ನು ಮರೀನಾ ನೇರ ಪ್ರಸಾರ ಮಾಡಿದ್ದಾಳೆ. ಅತ್ಯಾಚಾರ ನಡೆಯುವುದಕ್ಕೂ ಹಿಂದಿನ ದಿನ ಮರೀನಾ ಆಕೆಯ ಸ್ನೇಹಿತೆಯ ನಗ್ನ ಚಿತ್ರಗಳನ್ನೂ ತೆಗೆದಿದ್ದಳು ಎಂಬುದು ತನಿಖೆ ವೇಳೆ ಬಹಿರಂಗವಾಗಿದೆ.
ಆಪ್ ಮೂಲಕ ಅತ್ಯಾಚಾರದ ದೃಶ್ಯವನ್ನು ಮರೀನಾ ಅಲೆಕ್ಸೀವ್ನಾ ಲೋನಿನಾಳ ಸ್ನೇಹಿತರೊಬ್ಬರು ವೀಕ್ಷಿಸಿ ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. ಲೋನಿನಾ ಹಾಗೂ ರೇಮಂಡ್ ವಿರುದ್ಧ ಪೊಲೀಸರು ಅಪಹರಣ, ಅತ್ಯಾಚಾರ ಪ್ರಕರಣ ದಾಖಲಿಸಿದ್ದಾರೆ. ಲೋನಿನಾ ಹಾಗೂ ರೇಮಂಡ್ ವಿರುದ್ಧದ ಆರೋಪ ಸಾಬೀಟಾದಲ್ಲಿ ಇಬ್ಬರಿಗೂ 40 ವರ್ಷಗಳ ಜೈಲು ಶಿಕ್ಷೆಯಾಗಲಿದೆ.