ಢಾಕಾ: ನಿಷೇಧಿತ ಸಂಘಟನೆಯ ಐವರು ಉಗ್ರರನ್ನು ಢಾಕಾದಲ್ಲಿ ಬಂಧಿಸಲಾಗಿದ್ದು, ಅವರಿಂದ ಸ್ಫೋಟಕಗಳು ಮತ್ತು ಬಾಂಬ್ ತಯಾರಿಸುವ ವಸ್ತುಗಳನ್ನು ವಶಪಡಿಸಿಕೊಳ್ಳಲಾಗಿದೆ ಎಂದು ಅಧಿಕಾರಿಯೊಬ್ಬರು ಬುಧವಾರ ಹೇಳಿದ್ದಾರೆ.
ಮೀರ್ಪುರ್ ಪ್ರದೇಶದಿಂದ ನಿಷೇಧಿತ ನಿಯೋ-ಜಮಾತುಲ್ ಮುಜಾಹಿದ್ದೀನ್ ಬಾಂಗ್ಲಾದೇಶ್ ಸಂಘಟನೆಗೆ ಸೇರಿದ ಭಯೋತ್ಪಾದಕರನ್ನು ಬಾಂಗ್ಲಾದೇಶದ ಪೋಲೀಸರ ಭಯೋತ್ಪಾದಕ ವಿರೋಧಿ ದಳ ಬಂಧಿಸಿದೆ ಎಂದು ಮಾಧ್ಯಮವೊಂದು ವರದಿ ಮಾಡಿದೆ.
ಪ್ರಚೋದನೆಯನ್ನು ನೀಡುವ ಧಾರ್ಮಿಕ ಪುಸ್ತಕಗಳು, ಸ್ಫೋಟಕಗಳು ಮತ್ತು ಬಾಂಬ್ ತಯಾರಿಸುವ ವಸ್ತುಗಳನ್ನು ಕೂಡ ವಶಪಡಿಸಿಕೊಳ್ಳಲಾಗಿದೆ ಎಂದು ಹೇಳಿಕೆ ತಿಳಿಸಿದೆ.
೧೯ ವಿದೇಶಿಯರನ್ನು ಸೇರಿದಂತೆ ೨೨ ಜನರ ಹತ್ಯೆಗೆ ಕಾರಣವಾದ ಢಾಕಾ ಕಫೆ ದಾಳಿಯನ್ನು ನಡೆಸಿದ ಜಮಾತುಲ್ ಮುಜಾಹಿದ್ದೀನ್ ನ ಸಹ ಸಂಘಟನೆ ನಿಯೋ-ಜೆಬಿಎಮ್.
ಈಗಾಗಲೇ ನೂರಾರು ಜೆಬಿಎಮ್ ಕಾರ್ಯಕರ್ತರು ಮತ್ತು ಮುಖಂಡರನ್ನು ಬಂಧಿಸಲಾಗಿದೆ. ಶೇಕ್ ಅಬ್ದುರ್ ರೆಹಮಾನ್ ಸೇರಿದಂತೆ ೨೦೦೭ ರಲ್ಲಿ ಈ ಸಂಘಟನೆಯ ಆರು ಹಿರಿಯ ಮುಖಂಡರನ್ನು ಗಲ್ಲಿಗೇರಿಸಲಾಗಿತ್ತು.
