ರಿಯೋ ಡಿ ಜೆನೆರೋ: ಯಾವುದೇ ದಾಳಿಗೂ ಅದರಲ್ಲೂ ಆಗಸ್ಟ್ 5 ರಿಂದ ಪ್ರಾರಂಭವಾಗುವ 2016 ರ ಒಲಂಪಿಕ್ಸ್ ಕೂಟದ ಸಮಯದ ಯಾವುದೇ ದಾಳಿಗೆ ಪ್ರತಿಕ್ರಿಯಿಸುವುದಕ್ಕೆ ಹಿಂಜರಿಯುವುದಿಲ್ಲ ಎಂದು ಬ್ರೆಜಿಲ್ ಭದ್ರತಾ ಸಚಿವ ರೌಲ್ ಜಂಗ್ಮನ್ ಹೇಳಿದ್ದಾರೆ.
"ಬ್ರೆಜಿಲ್ ಶಾಂತಿಯುತ ರಾಷ್ಟ್ರ ಆದರೆ ನಾವು ಶಸ್ತ್ರಾಸ್ತ್ರರಹಿತ ರಾಷ್ಟ್ರವಲ್ಲ. ನಮ್ಮನ್ನು ರಕ್ಷಿಸಿಕೊಳ್ಳುವ ಮತ್ತು ಹೋರಾಡುವುದು ನಮಗೆ ತಿಳಿದಿದೆ. ನಮಗೆ ಯಾರಾದರೂ ಸವಾಲೆಸೆದರೆ ಬಿಡುವಿಲ್ಲದೆ ಪ್ರತಿಕ್ರಿಯಿಸಲಿದ್ದೇವೆ" ಎಂದು ಜಂಗ್ಮನ್ ಹೇಳಿರುವುದಾಗಿ ಮಾಧ್ಯಮವೊಂದು ವರದಿ ಮಾಡಿದೆ.
ಒಲಂಪಿಕ್ಸ್ ಆಟಗಳ ಸಮಯದಲ್ಲಿ ಭದ್ರತೆಯನ್ನು ಪರಿಶೀಲಿಸಲು ಒಲಂಪಿಕ್ ಗ್ರಾಮಕ್ಕೆ ಭೇಟಿ ನೀಡಿದ ವೇಳೆಯಲ್ಲಿ ಸಚಿವರು ಮಾತನಾಡಿದ್ದಾರೆ.
ರಿಯೋ ಡಿ ಜೆನೆರೋ ಒಲಂಪಿಕ್ಸ್ ಕೂಟದ ಸಮಯದಲ್ಲಿ 21000 ಭದ್ರತಾ ಶಸ್ತ್ರಾಸ್ತ್ರ ಸಿಬ್ಬಂದಿ ಮತ್ತು 64000 ಪೊಲೀಸ್ ಸಿಬ್ಬಂದಿ ಪರಿವೀಕ್ಷಣೆ ಮಾಡಲಿದ್ದಾರೆ ಎಂದು ಅವರು ಹೇಳಿದ್ದಾರೆ.
