ಸಿಂಗಾಪುರ: ಸಿಂಗಾಪುರದಲ್ಲಿ ಸಿಬಿಎಸ್ ಇ 12ನೇ ತರಗತಿ ಫಲಿತಾಂಶ ಪ್ರಕಟವಾಗಿದ್ದು, ಭಾರತೀಯ ಮೂಲದ ವಿದ್ಯಾರ್ಥಿನಿ ಅನುಷ್ಕಾ ಗಾಯಕ್ವಾಡ್ ಟಾಪರ್ ಆಗಿದ್ದಾರೆ.
ಶೇ.98.2ರಷ್ಟು ಅಂಕ ಗಳಿಸುವುದರ ಮೂಲಕ ಅನುಷ್ಕಾ ಪ್ರಥಮ ರ್ಯಾಂಕ್ ಪಡೆದಿದ್ದಾರೆ. ಅನುಷ್ಕಾ ತನ್ನ ಪೋಷಕರೊಂದಿಗೆ 2010ರಲ್ಲಿ ಸಿಂಗಾಪುರಕ್ಕೆ ತೆರಳಿದ್ದರು. ಸಿಂಗಾಪುರದಲ್ಲಿ ಭಾರತೀಯ ಪಠ್ಯಕ್ರಮ ಹೊಂದಿರುವ ಶಾಲೆಯೊಂದರಲ್ಲಿ ಅನುಷ್ಕಾ ತಮ್ಮ ವಿದ್ಯಾಭ್ಯಾಸವನ್ನು ಮುಂದುವರೆಸಿದ್ದರು.
ಮತ್ತೊಬ್ಬ ವಿದ್ಯಾರ್ಥಿನಿ ಶುಭಂ ಶರಫ್ ಅವರು ಶೇ.98 ಅಂಕ ಗಳಿಸುವ ಮೂಲಕ ಎರಡನೇ ರ್ಯಾಂಕ್ ಪಡೆದಿದ್ದಾರೆ.
ಅನುಷ್ಕಾ ಮತ್ತು ಶರಫ್ ಗ್ಲೋಬಲ್ ಇಂಡಿಯನ್ ಅಂತರಾಷ್ಟ್ರೀಯ ಶಾಲೆಯ ವಿದ್ಯಾರ್ಥಿಗಳು. ಶಾಲೆಗೆ ಉತ್ತಮ ಫಲಿತಾಂಶ ನೀಡಿದಕ್ಕಾಗಿ ವಿದ್ಯಾರ್ಥಿಗಳಿಗೆ ಹಾಗೂ ಅವರ ಪೋಷಕರಿಗೆ ಧನ್ಯವಾದಗಳು ಎಂದು ಶಾಲೆಯ ಮುಖ್ಯಸ್ಥ ಕಮಲ್ ಗುಪ್ತಾ ಹೇಳಿದ್ದಾರೆ.
ಜಿಐಐಎಸ್ ಈಗಾಗಲೇ ಸಿಂಗಪುರ, ಟೋಕಿಯೊ, ಕ್ವಾಲಾಲಂಪುರ, ಬ್ಯಾಂಕಾಕ್, ದುಬೈ, ನವದೆಹಲಿ ಮತ್ತು ನೋಯ್ಡಾದಲ್ಲಿ ಕ್ಯಾಂಪಸ್ ಹೊಂದಿವೆ.