ಕಾಬೂಲ್‌ನಲ್ಲಿನ ಭಾರತದ ಅತಿಥಿಗೃಹದ ಬಳಿ ರಾಕೆಟ್ ದಾಳಿ: ವರದಿ

ಅಫ್ಗಾನಿಸ್ತಾನದ ರಾಜಧಾನಿ ಕಾಬೂಲ್‌ನಲ್ಲಿರುವ ಭಾರತದ ಅತಿಥಿಗೃಹದ ಬಳಿ ಉಗ್ರರು ರಾಕೆಟ್ ದಾಳಿ ನಡೆಸಿದ್ದಾರೆ ಎಂದು ವರದಿಯಾಗಿದೆ.

ಕಾಬೂಲ್‌ನ ಡಿಪ್ಲೋಮಾಟಿಕ್ ಎನ್ ಕ್ಲೇವ್ ಮೇಲೆ ಉಗ್ರರು ರಾಕೆಟ್ ದಾಳಿ ನಡೆಸಿದ್ದು ರಾಕೆಟ್ ರಾಯಭಾರಿ ಮನೆಯ ಪಕ್ಕದ ಟೆನಿಸ್ ಕೋರ್ಟ್ ನಲ್ಲಿ ಬಿದ್ದಿದ್ದು ರಾಕೆಟ್ ದಾಳಿಯಲ್ಲಿ ಯಾವುದೇ ಪ್ರಾಣಾಪಾಯದ ಸಂಭವಿಸಿರುವ ಬಗ್ಗೆ ವರದಿಯಾಗಿಲ್ಲ. ಇನ್ನು ರಾಕೆಟ್ ದಾಳಿ ನಡೆದ ಬಗ್ಗೆ ಭಾರತೀಯ ರಾಯಭಾರಿಗಳು ಮಾಧ್ಯಮಗಳಿಗೆ ಮಾಹಿತಿ ನೀಡಿದ್ದಾರೆ. 

ಅಫ್ಗಾನಿಸ್ತಾನ್ ಅಧ್ಯಕ್ಷ ಅಶ್ರಫ್ ಗನಿ ಅವರು ಇಂದು ಶಾಂತಿ ಸಮಾವೇಶಕ್ಕೆ ಚಾಲನೆ ನೀಡಿದ್ದು ಇದೇ ದಿನ ರಾಕೆಟ್ ದಾಳಿ ನಡೆದಿದೆ. ಇನ್ನು ಶಾಂತಿ ಸಮಾವೇಶದಲ್ಲಿ ಜಗತ್ತಿನ 30 ದೇಶದ ಅಧಿಕಾರಿಗಳು ಭಾಗಿಯಾಗಿದ್ದಾರೆ.

ಕಳೆದ ವಾರ ಕಾಬೂಲ್ ನಲ್ಲಿನ ಭಾರತೀಯ ರಾಯಭಾರಿ ಕಚೇರಿ ಬಳಿ ಆತ್ಮಾಹುತಿ ಕಾರ್ ಬಾಂಬ್ ಸ್ಫೋಟಗೊಂಡಿದ್ದು ಇದರಲ್ಲಿ ಕನಿಷ್ಠ 40 ಮಂದಿ ಮೃತಪಟ್ಟಿದ್ದರು.