ನೇಪಾಳ ಪ್ರಧಾನಿ ಪುಷ್ಪಾ ಕಮಲ್ ದಹಲ್ ಪ್ರಚಂಡ ಅವರು ರಾಜಿನಾಮೆ ನೀಡಿದ್ದಾರೆ ಎಂದು ನೇಪಾಳ ಮಾಧ್ಯಮಗಳು ವರದಿ ಮಾಡಿವೆ.
ಪ್ರಚಂಡ ಅವರು ರಾಷ್ಟ್ಕಪತಿ ಬಿದ್ಯಾ ದೇವಿ ಬಂಡಾರಿ ಅವರಿಗೆ ರಾಜಿನಾಮೆ ಪತ್ರ ರವಾನಿಸಿದ್ದಾರೆ ಎಂದು ಹೇಳಲಾಗುತ್ತಿದೆ.
ಪ್ರಚಂಡ ಅವರು ತಮ್ಮ ಪ್ರಧಾನಿ ಪದವಿಗೆ ರಾಜಿನಾಮಿ ನೀಡುತ್ತಾರೆ ಎಂದು ವರದಿಗಳು ಬಂದಿದ್ದವು. ಇನ್ನು ಪ್ರಚಂಡ ಮತ್ತು ನೇಪಾಲಿ ಕಾಂಗ್ರೆಸ್ ಮುಖ್ಯಸ್ಥ ಶೇರ್ ಬಹದ್ದೂರ್ ದೇಬಾ ಅವರು ಸಮ್ಮತಿಯೊಂದಿಗೆ ಪ್ರಚಂಡ ಅವರು 9 ತಿಂಗಳ ನಂತರ ರಾಜಿನಾಮೆ ನೀಡಿದ್ದಾರೆ.
ನಿನ್ನೆ ಸಂಸತ್ ನಲ್ಲಿ ಸುದ್ದಿಗೋಷ್ಠಿ ನಡೆಸಿ ಮಾತನಾಡಿದ್ದ ಪ್ರಧಾನಿ ಪ್ರಚಂಡ ಅವರು ತಾವು ತಮ್ಮ ಸ್ಥಾನಕ್ಕೆ ರಾಜಿನಾಮೆ ನೀಡುತ್ತಿರುವುದಾಗಿ ಘೋಷಿಸಿದ್ದರು. ಈ ವೇಳೆ ವಿಪಕ್ಷ ಕಮ್ಯೂನಿಸ್ಟ್ ಪಾರ್ಟಿ ಶಾಸಕ ಅಡ್ಡಿಪಡಿಸಿದ್ದರಿಂದ ಸ್ಪೀಕರ್ ಅವರು ಸಭೆಯನ್ನು ಮುಂಡೂದಿದ್ದರು.
