ಕ್ಯಾಲಿಫೋರ್ನಿಯಾ: ಕ್ಯಾಲಿಫೋರ್ನಿಯಾದಲ್ಲಿ ಸಂಭವಿಸಿರುವ ಅತೀ ವಿನಾಶಕಾರಿ ಕಾಳ್ಗಿಚ್ಚು ಹಾಲಿವುಡ್ ತಾರೆಯರು ಸೇರಿದಂತೆ ಸಾವಿರಾರೂ ಜನರ ಬದುಕನ್ನು ಛಿದ್ರಗೊಳಿಸಿದೆ.
ಸುಮಾರು 80ಕ್ಕೂ ಹೆಚ್ಚು ಮಂದಿ ಸಜೀವ ದಹನವಾಗಿದ್ದಾರೆ. ಇನ್ನು ಕಾಳ್ಗಿಚ್ಚಿನಿಂದಾಗಿ 1000ಕ್ಕೂ ಹೆಚ್ಚು ಮಂದಿ ಕಾಣೆಯಾಗಿದ್ದಾರೆ. ದಿನದಿಂದ ದಿನಕ್ಕೆ ಸಾವಿನ ಸಂಖ್ಯೆ ಏರಿಕೆಯಾಗುತ್ತಿದೆ.
ಉತ್ತರ ಕ್ಯಾಲಿಫೋರ್ನಿಯಾದಲ್ಲಿ ವಾರದ ಹಿಂದೆ ಹಬ್ಬಿದ ಈ ಅತಿ ಅನಾಹುತಕಾರಿ ಕಾಳ್ಗಿಚ್ಚಿಗೆ ಈಗಾಗಲೇ 1,42,000 ಎಕರೆ ಪ್ರದೇಶ ಸುಟ್ಟುಕರಕಲಾಗಿದೆ. ಇನ್ನು ರಸ್ತೆ ಮಧ್ಯೆ ನಿಲ್ಲಿಸಿದ್ದ ನೂರಾರು ಕಾರುಗಳು, ಸಾವಿರಾರು ಮನೆಗಳು ಸುಟ್ಟುಹೋಗಿವೆ.
ಇನ್ನು ಕ್ಯಾಲಿಫೋರ್ನಿಯಾದಲ್ಲಿ ನೆಲೆಸಿದ್ದ ಹಾಲಿವುಡ್ ನಟ ವಿಲ್ ಸ್ಮಿತ್, ಲೇಡಿ ಗಾಗ್, ಕಿಮ್ ಕರ್ದಾಶಿಯಾನ್ ಹಾಗೂ ಚೇರ್ ಅವರನ್ನು ಬಲವಂತವಾಗಿ ಬೇರೆ ಕಡೆಗೆ ಸ್ಥಳಾಂತರಿಸಲಾಗಿದೆ. ಈ ಮಧ್ಯೆ ಕಾಳ್ಗಿಚ್ಚಿನ ಕರಾಳತೆ ಕುರಿತು ವಿಲ್ ಸ್ಮಿತ್ ಸೇರಿದಂತೆ ಹಲವು ನಟರು ಮಾತನಾಡಿದ್ದಾರೆ.
