ಈ ದೇಶದಲ್ಲಿ ಬಡವರಿಗೆ ನೆರವಾಗಲು ಸಿರಿವಂತರ ಮೇಲೆ 'ವಿಶೇಷ ತೆರಿಗೆ'

ಬುವನಾಸ್ ಏರಿಸ್: ಕೊರೋನಾ ವೈರಸ್ ಸಾಂಕ್ರಾಮಿಕದಿಂದ ಉಂಟಾಗಿರುವ ಪರಿಸ್ಥಿತಿಯನ್ನು ಎದುರಿಸಲು ಲ್ಯಾಟಿನ್ ಅಮೆರಿಕಾ ದೇಶವಾದ ಅರ್ಜೆಂಟೀನಾ ಹೊಸ ಆಸ್ತಿ ಕಾನೂನು ಜಾರಿಗೆ ತಂದಿದೆ. ಈ ಕಾಯ್ದೆ ಪ್ರಕಾರ ದೇಶದಲ್ಲಿರುವ ಸಿರಿವಂತರ ಮೇಲೆ ವಿಶೇಷ ತೆರಿಗೆ ವಿಧಿಸಲಾಗುತ್ತದೆ. 

ಈ ತೆರಿಗೆಯಿಂದ ಬರುವ ಆದಾಯ, ಕೊರೋನಾ ರೋಗಿಗಳಿಗೆ ಔಷಧಿ ಹಾಗೂ ಇತರ ಅಗತ್ಯ ವಸ್ತುಗಳ ಖರೀದಿಗೆ ಹಾಗೂ ಪರಿಹಾರ ಕಾರ್ಯಕ್ರಮಗಳಿಗೆ ಬಳಸುವುದಾಗಿ ಸರ್ಕಾರ ಹೇಳಿದೆ.

ಕೋಟ್ಯಾಧಿಪತಿಗಳ ಮೇಲಿನ ತೆರಿಗೆಗೆ ಸೆನೆಟರ್ ಗಳು ಶುಕ್ರವಾರ ಅನುಮೋದನೆ ನೀಡಿದ್ದಾರೆ.