ವಿಶ್ವ ಪಾರಂಪರಿಕ ತಾಣದಲ್ಲಿ ಪೋರ್ನ್ ಚಿತ್ರೀಕರಣ: ರೊಚ್ಚಿಗೆದ್ದ ಭಕ್ತಾದಿಗಳು! 

ಯಾಂಗೊನ್: ವಿಶ್ವ ಪಾರಂಪರಿಕ ತಾಣದಲ್ಲಿ ಪೋರ್ನ್ ಚಿತ್ರೀಕರಣ ನಡೆಸಿ, ಪೋಸ್ಟ್ ಮಾಡಿರುವ ಜನಪ್ರಿಯ ಇಟ್ಯಾಲಿಯನ್ ಜೋಡಿ ಈಗ ಜನರ ಕೆಂಗಣ್ಣಿಗೆ ಗುರಿಯಾಗಿದೆ.
 
11 ತಿಂಗಳಿನ ಹಿಂದಷ್ಟೇ ಈ 23 ವರ್ಷದ ಇಟ್ಯಾಲಿಯನ್ ಜೋಡಿ (YeeesYeeesYeees) ಪೋರ್ನ್ ಹಬ್ ನಲ್ಲಿ ಸಕ್ರಿಯರಾಗಿದ್ದು, ಮಯನ್ಮಾರ್ ನ ವಿಶ್ವಪಾರಂಪರಿಕ ತಾಣ, ಜನಪ್ರಿಒಯ ಪ್ರವಾಸಿ ತಾಣವಾಗಿರುವ ಬೌದ್ಧ ಪಗೋಡಾದ ಬಳಿ ಪೋರ್ನ್ ಚಿತ್ರೀಕರಣ ನಡೆಸಿ ವೆಬ್ ಸೈಟ್ ಗೆ ಅಪ್ ಲೋಡ್ ಮಾಡಿದ್ದಾರೆ.
 
ಈ ಜೋಡಿಗೆ ಪೋರ್ನ್ ಹಬ್ ನಲ್ಲಿ 81,000 ಚಂದಾದಾರರಿದ್ದು, 11 ತಿಂಗಳಿನಿಂದ 35 ಮಿಲಿಯನ್ ವಿಡಿಯೋ ವೀಕ್ಷಕರಿದ್ದಾರೆ. ಈಗ ಈ ಜೋಡಿ ಮಯನ್ಮಾರ್ ನ ಬೌದ್ಧ ಪಗೋಡಾದ ಬಳಿ ಚಿತ್ರೀಕರಣ ಮಾಡಿ ವೆಬ್ ಸೈಟ್ ಗೆ ಅಪ್ ಲೋಡ್ ಮಾಡಿರುವ ವಿಡಿಯೋಗೆ ಮಯನ್ಮಾರ್ ನಲ್ಲಿ ತೀವ್ರ ಆಕ್ರೋಶ ವ್ಯಕ್ತವಾಗಿದೆ. 

ನ್ಯೂ ಫೆಂಟಾಸ್ಟಿಕ್ ಏಷ್ಯಾ ಟೂರ್  ಕಂಪನಿಯ ವ್ಯವಸ್ಥಾಪಕ ನಿರ್ದೇಶಕ ಈ ಬಗ್ಗೆ ಪ್ರತಿಕ್ರಿಯೆ ನೀಡಿದ್ದು, ಪಾರಂಪರಿಕ ತಾಣದಲ್ಲಿನ ಭದ್ರತೆಯ ಕುರಿತು ಪ್ರಶ್ನಿಸಿದ್ದಾರೆ. ಮಯನ್ಮಾರ್ ನ ಅಧಿಕಾರಿಗಳು ಇದರ ವಿರುದ್ಧ ಕ್ರಮ ಕೈಗೊಳ್ಳಲು ಸೂಚಿಸಿದ್ದಾರೆ.