ಬೆಂಗಳೂರು: ವಿಶ್ವದಲ್ಲೇ ಅತಿ ಹೆಚ್ಚಿನ ಸಂಖ್ಯೆಯಲ್ಲಿ ಮಹಿಳಾ ಉದ್ಯೋಗಿಗಳು ಕೆಲಸ ನಿರ್ವಹಿಸುತ್ತಿರುವ ಕಾರ್ಖಾನೆ ಎನ್ನುವ ಗೌರವಕ್ಕೆ ಭಾರತದ ಓಲಾ ಎಲೆಕ್ಟ್ರಿಕ್ ಸ್ಕೂಟರ್ ಘಟಕ ಪಾತ್ರವಾಗಲಿದೆ ಎಂದು ಓಲಾ ಸಂಸ್ಥಾಪಕ ಭವೀಶ್ ಅಗ್ಗರ್ವಾಲ್ ಹೇಳಿದ್ದಾರೆ.

ಇದನ್ನೂ ಓದಿ: ದಾಖಲೆ: ಮೊದಲ ದಿನ ಓಲಾ ಸ್ಕೂಟರ್ ಗಳಿಗೆ 1 ಲಕ್ಷ ಬುಕಿಂಗ್!

ಭಾರತ ಯೋಜನೆ ಸಫಲವಾಗಲು ಆತ್ಮನಿರ್ಭರ್ ಮಹಿಳೆ ಯೋಜನೆ ಕಾರ್ಯಗತಗೊಳ್ಳಬೇಕು ಎಂಬುದು ಅವರ ಅಭಿಪ್ರಾಯ. ಮುಂಬರುವ ದಿನಗಳಲ್ಲಿ ಘಟಕವನ್ನು ಪೂರ್ತಿಯಗಿ ಮಹಿಳೆಯರೇ ನಿರ್ವಹಿಸುವ ವ್ಯವಸ್ಥೆ ತಮ್ಮ ಘಟಕದಲ್ಲಿ ಜಾರಿಗೆ ಬರಲಿದೆ ಎಂದವರು ಹೇಳಿದ್ದಾರೆ. 

ಇದನ್ನೂ ಓದಿ: ವಿದ್ಯುತ್ ಚಾಲಿತ ವಾಹನಗಳ ಖರೀದಿಗೆ ಪ್ರೀಮಿಯಂ ಪಾವತಿಸಲು ಶೇ.90 ರಷ್ಟು ಭಾರತೀಯರ ಒಲವು: ಸಮೀಕ್ಷೆ

ಭಾರತ ಜಗತ್ತಿನಲ್ಲೇ ಉತ್ಪಾದನಾ ರಾಷ್ಟ್ರವಾಗಬೇಕಾದರೆ ಮಹಿಳೆಯರಿಗೆ ತರಬೇತಿ ನೀಡಿ ಅವರನ್ನು ಎಲ್ಲಾ ಕೆಲಸಗಳಿಗೂ ತಯಾರು ಮಾಡಬೇಕಾದ ಅಗತ್ಯವಿದೆ ಎಂದು ಭವೀಶ್ ಒತ್ತಿ ಹೇಳಿದ್ದಾರೆ. 

ಇದನ್ನೂ ಓದಿ: 'ಜನತಾ ಕರ್ಫ್ಯೂ'ಗೆ ಒಂದು ವರ್ಷ: ಗರ್ಭಿಣಿ ಪತ್ನಿಯ ಕನಸು ನನಸು ಮಾಡಲು 1,200 ಕಿ.ಮೀ ದೂರ ಸ್ಕೂಟರ್ ನಲ್ಲಿ ಪಯಣಿಸಿದ ಜಾರ್ಖಂಡ್ ವ್ಯಕ್ತಿ!

ಓಲಾ ಎಲೆಕ್ಟ್ರಿಕ್ ಸ್ಕೂಟರ್ ಎರಡು ಮಾದರಿಗಳಲ್ಲಿ ಲಭ್ಯವಾಗಲಿದೆ. ಎಸ್1 ಮತ್ತು ಎಸ್1 ಪ್ರೊ. ಮೊದಲ ಮಾದರಿಯ ಬೆಲೆ 99,999 ರೂ. ಎರಡನೆಯ ಮಾದರಿ ಬೆಲೆ 1,29,000 ರೂ. ಓಲಾ ಎಲೆಕ್ಟ್ರಿಕ್ ಸ್ಕೂಟರ್ ಸೆಪ್ಟೆಂಬರ್ 8ರಂದು ಬಿಡುಗಡೆಯಾಗಬೇಕಿತ್ತು. ಆದರೆ ಬಿಡುಗಡೆ ದಿನಾಂಕ ಮುಂದೂಡಲ್ಪಟ್ಟು ಇದೀಗ ಸೆಪ್ಟೆಂಬರ್ 15ರಂದು ಬಿಡುಗಡೆಗೊಳ್ಳಲಿದೆ ಎಂದು ಸಂಸ್ಥೆ ತಿಳಿಸಿದೆ. ಸ್ಕೂಟರ್ ಪೂರ್ತಿ ಚಾರ್ಜ್ ಮಾಡಿದರೆ 181 ಕಿ.ಮೀ ಮೈಲೇಜ್ ದೊರೆಯಲಿದೆ.