ನವದೆಹಲಿ: 2024ರ ಮಾರ್ಚ್ ವೇಳೆಗೆ ಆಕಾಶ ಏರ್ಲೈನ್ಸ್ ಸಂಸ್ಥೆ ಸುಮಾರು 1 ಸಾವಿರ ಮಂದಿ ಸಿಬ್ಬಂದಿಗಳನ್ನು ನೇಮಕ ಮಾಡಲಾಗುತ್ತದೆ ಎಂದು  ಸಂಸ್ಥೆಯ ಮುಖ್ಯಸ್ಥ ವಿನಯ್ ದುಬೆ ಹೇಳಿದ್ದಾರೆ.

ಆಕಾಶ ಏರ್ ಸುಮಾರು 1,000 ಜನರನ್ನು ನೇಮಿಸಿಕೊಳ್ಳಲು ಯೋಜಿಸಿದ್ದು, ಮಾರ್ಚ್ 2024 ರ ಅಂತ್ಯದ ವೇಳೆಗೆ ಒಟ್ಟು ಸಿಬ್ಬಂದಿ ಬಲವನ್ನು 3,000 ಕ್ಕಿಂತ ಹೆಚ್ಚಿಸಲು ವಿಮಾನಯಾನ ಸಂಸ್ಥೆಯು ತನ್ನ ಫ್ಲೀಟ್ ಮತ್ತು ಮಾರ್ಗಗಳನ್ನು ವಿಸ್ತರಿಸುವುದನ್ನು ಮುಂದುವರೆಸಿದೆ ಎಂದು ಅದರ ಮುಖ್ಯಸ್ಥ ವಿನಯ್ ದುಬೆ ಹೇಳಿದ್ದಾರೆ.

ಇದನ್ನೂ ಓದಿ: ಬೆಂಗಳೂರು: ಏರ್‌ಪೋರ್ಟ್ ಶಟಲ್ ಬಸ್ ಬರಲು ವಿಳಂಬ, ತಾಸುಗಟ್ಟಲೆ ಆಕಾಶ ಏರ್ ವಿಮಾನದಲ್ಲೇ ಕುಳಿತ ಪ್ರಯಾಣಿಕರು!

ಏಳು ತಿಂಗಳ ಹಿಂದಷ್ಟೇ ಗಗನ ಪ್ರಯಾಣ ಸೇವೆ ಆರಂಭಿಸಿದ್ದ ವಿಮಾನಯಾನ ಸಂಸ್ಥೆಯು ಈ ವರ್ಷದ ಅಂತ್ಯದ ವೇಳೆಗೆ ಅಂತರರಾಷ್ಟ್ರೀಯ ಕಾರ್ಯಾಚರಣೆಗಳನ್ನು ಪ್ರಾರಂಭಿಸಲು ಯೋಜಿಸಿದೆ ಮತ್ತು ಸಂಭವನೀಯ ಸಾಗರೋತ್ತರ ಗಮ್ಯಸ್ಥಾನಗಳನ್ನು ಇನ್ನೂ ಅಂತಿಮಗೊಳಿಸುವ ಪ್ರಕ್ರಿಯೆಯಲ್ಲಿದೆ. ಈ ಬಗ್ಗೆ ಪಿಟಿಐ ಸುದ್ದಿಸಂಸ್ಥೆಯೊಂದಿಗೆ ಮಾತನಾಡಿರುವ ಆಕಾಶ ಏರ್‌ನ ಸಂಸ್ಥಾಪಕ ಮತ್ತು ಸಿಇಒ ಶ್ರೀ ದುಬೆ ಅವರು, 'ಈ ವರ್ಷದ ಅಂತ್ಯದ ವೇಳೆಗೆ ಏರ್‌ಲೈನ್ "ಮೂರು-ಅಂಕಿಯ ಏರ್‌ಕ್ರಾಫ್ಟ್ ಆರ್ಡರ್" ಅನ್ನು ನೀಡಲಿದೆ.  72 ಬೋಯಿಂಗ್ 737 ಮ್ಯಾಕ್ಸ್ ವಿಮಾನಗಳಿಗೆ ಆರ್ಡರ್ ಮಾಡಿದೆ ಮತ್ತು ಅವುಗಳಲ್ಲಿ 19 ಈಗಾಗಲೇ ತನ್ನ ಫ್ಲೀಟ್‌ನಲ್ಲಿವೆ. 20ನೇ ವಿಮಾನವನ್ನು ಏಪ್ರಿಲ್‌ನಲ್ಲಿ ಸೇರ್ಪಡೆಗೊಳಿಸಲಾಗುವುದು, ನಂತರ ಅದು ವಿದೇಶಕ್ಕೆ ಹಾರಲು ಅರ್ಹತೆ ಪಡೆಯುತ್ತದೆ ಎಂದು ಹೇಳಿದರು.

ಮುಂದಿನ ಹಣಕಾಸು ವರ್ಷದಲ್ಲಿ, ಸಂಸ್ಥೆಯು ತನ್ನ ಫ್ಲೀಟ್‌ಗೆ ಇನ್ನೂ 9 ವಿಮಾನಗಳನ್ನು ಸೇರಿಸುವ ಗುರಿಯನ್ನು ಹೊಂದಿದೆ, ಆ ಮೂಲಕ ತನ್ನ ವಿಮಾನಗಳ ಸಂಖ್ಯೆಯನ್ನು ಒಟ್ಟು 28 ಕ್ಕೆ ಏರಿಕೆ ಮಾಡಿಕೊಳ್ಳಲಿದೆ. ಪ್ರಸ್ತುತ, ಇದು ಪ್ರತಿದಿನ 110 ವಿಮಾನಗಳನ್ನು ನಿರ್ವಹಿಸುತ್ತದೆ.

ಇದನ್ನೂ ಓದಿ: ಹಕ್ಕಿ ಢಿಕ್ಕಿ: ಬೆಂಗಳೂರಿಗೆ ಬರುತ್ತಿದ್ದ ಆಕಾಶ ವಿಮಾನ ಮುಂಬೈನಲ್ಲಿ ತುರ್ತು ಭೂಸ್ಪರ್ಶ!

"ನಾವು ಇಂದು 2,000 ಕ್ಕೂ ಹೆಚ್ಚು ಉದ್ಯೋಗಿಗಳನ್ನು ಹೊಂದಿದ್ದೇವೆ ಮತ್ತು ಮುಂದಿನ ಆರ್ಥಿಕ ವರ್ಷದ ಅಂತ್ಯದ ವೇಳೆಗೆ, ನಾವು ಬಹುಶಃ ಈ ಸಂಖ್ಯೆ ಸುಮಾರು 3,000 ಕ್ಕೂ ಹೆಚ್ಚು ಉದ್ಯೋಗಿಗಳಾಗಬಹುದು ... (ಅವರಲ್ಲಿ, ಸುಮಾರು 1,100 ಪೈಲಟ್‌ಗಳು ಮತ್ತು ಫ್ಲೈಟ್ ಅಟೆಂಡೆಂಟ್‌ಗಳು ಇದ್ದಾರೆ)" ಎಂದು ದುಬೆ ಹೇಳಿದರು.