ನವದೆಹಲಿ: ತಮ್ಮ ಮಕ್ಕಳು ಬೆಳೆಯುವುದನ್ನು ನೋಡಿ ಆನಂದಿಸದ ಪಾಲಕರಿಲ್ಲ. ಸಂಗೀತ ಮಾಂತ್ರಿಕ ಎ.ಆರ್. ರೆಹಮಾನ್ ಕೂಡಾ ಅದಕ್ಕೆ ಹೊರತಾಗಿಲ್ಲ. ಅವರಿಗೆ ಇಬ್ಬರು ಪುತ್ರಿಯರು. ರಹೀಮಾ ರಹಮಾನ್ ಮತ್ತು ಖತೀಜಾ ರಹಮಾನ್.
ರೆಹಮಾನ್ ಅವರ ಇಬ್ಬರು ಪುತ್ರಿಯರೂ ಸಂಗೀತ ಸಾಧನೆಯಲ್ಲಿ ತೊಡಗಿದ್ದಾರೆ. ಅವರಿಬ್ಬರೂ ಈಗಾಗಲೇ ಅಮೆರಿಕದಲ್ಲಿ ನಡೆದ ಕಾರ್ಯಕ್ರಮದಲ್ಲಿ ತಂದೆಯ ಜೊತೆ ವೇದಿಕೆ ಮೇಲೆ ಸಂಗೀತ ಪ್ರದರ್ಶನ ನೀಡಿದ್ದಾರೆ.
ಇದನ್ನೂ ಓದಿ: ಸ್ಪೋಟ್ಸ್ ಬ್ರಾ, ಶಾರ್ಟ್ಸ್ ಧರಿಸಿದ್ದ ಜಾಹ್ನವಿ ಕಪೂರ್ ಕಾಲೆಳೆದ ಅಭಿಮಾನಿಗಳಿಗೆ ತಕ್ಕ ಉತ್ತರ ಕೊಟ್ಟ ನಟಿ!
ತಂದೆಯ ಹಾದಿಯಲ್ಲೇ ಸಾಗುತ್ತಿರುವ ಇಬ್ಬರೂ ಪುತ್ರಿಯರು ಈಗಾಗಲೇ ಆನ್ ಲೈನಿನಲ್ಲಿ ಅಪಾರ ಅಭಿಮಾನಿಗಳು ಹಾಗೂ ಫಾಲೋವರ್ ಗಳನ್ನು ಹೊಂದಿದ್ದಾರೆ. ತಮ್ಮ ಪುತ್ರಿಯರಿಗೆ ಎ.ಆರ್ ರೆಹಮಾನ್ ನೀಡುವ ಅಮೂಲ್ಯ ಸಲಹೆ ಎಂದರೆ ಹೋಲಿಕೆ ಮಾಡದಿರುವುದು.
ತಾವು ಹೆಸರಾಂತ ಸಂಗೀತಗಾರನಾಗಿರುವುದರಿಂದ ಜನರು ಪುತ್ರಿಯರ ಸಂಗೀತವನ್ನು ತಮ್ಮ ಸಂಗೀತಕ್ಕೆ ಹೋಲಿಕೆಯನ್ನು ಸಹಜವಾಗಿ ಮಾಡುತ್ತಾರೆ. ಆದರೆ ಪುತ್ರಿಯರು ಅಂಥಾ ಹೋಲಿಕೆಯನ್ನು ತಮಗೆ ತಾವೇ ಮಾಡಿಕೊಳ್ಲಬಾರದು. ಶ್ರದ್ಧೆಯಿಂದ ಸಂಗೀತದ ಕೆಲಸದಲ್ಲಿ ತೊಡಗಿಕೊಳ್ಳುವುದಷ್ಟನ್ನೇ ಮಾಡಿದರೆ ಸಾಕು ದೇವರು ಅವರನ್ನು ಹರಸುತ್ತಾನೆ ಎಂದು ಎ.ಆರ್ ರೆಹಮಾನ್ ಹೇಳಿದ್ದಾರೆ.