ಇಸ್ಲಾಮಾಬಾದ್: ಪಾಕಿಸ್ತಾನದ ಮೂಲದ ಬಾಲಿವುಡ್‌ನ ಹಾಟ್ ನಟಿ ವೀಣಾ ಮಲಿಕ್ ಮತ್ತು ಆಕೆಯ ಪತಿ ಅಸದ್ ಗೆ ಪಾಕಿಸ್ತಾನದ ಭಯೋತ್ಪಾದನೆ ನಿಗ್ರಹ ಕೋರ್ಟ್ 26 ವರ್ಷ ಜೈಲು ಶಿಕ್ಷೆ ವಿಧಿಸಿದೆ.
ವಾಹಿನಿಯೊಂದರಲ್ಲಿ ಧರ್ಮ ವಿರೋಧಿ ವಿಷಯಗಳನ್ನು ಪ್ರಸ್ತಾಪಿಸಿದಕ್ಕೆ ನಟಿ ವೀಣಾ ಮತ್ತು ಆಕೆಯ ಪತಿ ಅಸದ್ ಹಾಗೂ ಕಾರ್ಯಕ್ರಮ ಪ್ರಸಾರ ಮಾಡಿದ ಜಿಯೋ ಟಿವಿ ಮಾಲೀಕ ಶಕೀಲ್ ಉರ್ ರೆಹಮಾನ್ ಅವರಿಗೆ ಕೋರ್ಟ್ 26 ವರ್ಷ ಜೈಲು ಶಿಕ್ಷೆ ವಿಧಿಸಿದ್ದು, 12,500 ಡಾಲರ್ ದಂಡ ಹಾಕಿದೆ.
ಜಿಯೋ ಟಿವಿ ಆಹ್ವಾನದ ಮೇರೆಗೆ ಕಾರ್ಯಕ್ರಮವೊಂದಕ್ಕೆ ವೀಣಾ ಮಲಿಕ್ ಮತ್ತು ಆಕೆಯ ಪತಿ ಅಸದ್ ಅತಿಥಿಗಳಾಗಿ ಆಗಮಿಸಿದ್ದರು. ಈ ಸಂದರ್ಭದಲ್ಲಿ ಇಸ್ಲಾಂ ಧರ್ಮಕ್ಕೆ ಸೇರಿದ ಪವಿತ್ರವಾದ ಹಾಡನ್ನು ಹಾಕಲಾಗಿತ್ತು. ಆಗ ದಂಪತಿಗಳು ಈ ಹಾಡಿಗೆ ಹೆಜ್ಜೆ ಹಾಕಿದ್ದಾರೆ. ಮಹಮದ್ ಕುಟುಂಬ ಸದಸ್ಯರನ್ನು ಅವಮಾನಿಸಲಾಯಿತು ಎಂದು ಆರೋಪಿಸಿ ಕೆಲವರು ಇವರ ಮೇಲೆ ಕ್ರಿಮಿನಲ್ ಮೊಕದ್ದಮೆ ಹೂಡಿದ್ದರು.
ವಿಚಾರಣೆ ನಡೆಸಿದ ಕೋರ್ಟ್ ವೀಣಾ ಮಲಿಕ್, ಅಸದ್ ಮತ್ತು ನೀರ್‌ಶಕೀಲ್ ಅವರಿಗೆ 26 ವರ್ಷಗಳ ಜೈಲು ಶಿಕ್ಷೆ ವಿಧಿಸಿದೆ.