ಚೆನ್ನೈ: ಈ ಹೊಸವರ್ಷ ನಟಿ ಶ್ರುತಿ ಹಾಸನ್ ಅತಿ ಹೆಚ್ಚು ಕಾರ್ಯನಿರತರಾಗಲಿದ್ದಾರೆ. ಬಾಲಿವುಡ್ ನ ೪ ಸಿನೆಮಾಗಳು ಹಾಗೂ ತಮಿಳು, ತೆಲುಗಿನಲ್ಲಿ ಒಂದೊಂದು ಚಿತ್ರಗಳು ೨೦೧೫ ರಲ್ಲಿ ಬಿಡುಗಡೆಗೆ ಸಿದ್ಧವಾಗುತ್ತಿವೆ.
ನಟ ಅಕ್ಷಯ್ ಕುಮಾರ್ ಅವರೊಂದಿಗೆ ನಟಿಸಿರುವ 'ಗಬ್ಬರ್', 'ರಾಕಿ ಹ್ಯಾಂಡ್ ಸಂ' ಹಾಗೂ ಜಾನ್ ಅಬ್ರಹಾಂ ಜೊತೆ 'ವೆಲ್ಕಂ ಬ್ಯಾಕ್' ಮತ್ತು ವಿದ್ಯುತ್ ಜಮ್ಮ್ವಾಲ್ ಎದುರು 'ಯಾರಾ' ಸಿನೆಮಾಗಳು ಬಾಲಿವುಡ್ ನಲ್ಲಿ ಬರಲಿರುವ ಸಿನೆಮಾಗಳು.
ದಕ್ಷಿಣದಲ್ಲಿ ವಿಜಯ್ ಜೊತೆಗೊಂದು ತಮಿಳು ಸಿನೆಮಾ ಹಾಗೂ ಮಹೇಶ್ ಬಾಬು ಅವರೊಂದಿಗೆ ತೆಲುಗು ಸಿನೆಮಾಗಳಲ್ಲಿ ಬ್ಯುಸಿಯಾಗಿದ್ದಾರೆ. ಇವುಗಳ ಹೆಸರುಗಳು ಇನ್ನೂ ನಿರ್ಧಾರವಾಗಬೇಕಿದೆ.
ಅಲ್ಲದೆ ಇತ್ತೀಚೆಗೆ ಅಕ್ಕಿನೇನಿ ನಾಗಾರ್ಜುನ ಮತ್ತು ಕಾರ್ತಿ ಅವರೊಂದಿಗೆ ತಮಿಳು ಮತ್ತು ತೆಲುಗಿನ ದ್ವಿಭಾಷಾ ಚಿತ್ರವೊಂದನ್ನು ಒಪ್ಪಿಕೊಂಡಿದ್ದಾರೆ ಎಂದು ತಿಳಿದು ಬಂದಿದೆ.