ಚೆನ್ನೈ: ತೆಲುಗು ಬ್ಲಾಕ್ಬಸ್ಟರ್ ಚಲನಚಿತ್ರ 'ಈಗ' ಎರಡನೆ ಭಾಗಕ್ಕೆ ಕೂಡ ಯೋಜನೆಯಿದ್ದು ಇದು 'ಬಾಹುಬಲಿ ೨'ರ ನಂತರ ಪ್ರಾರಂಭವಾಗುವ ಸಾಧ್ಯತೆ ಇದೆ ಎಂದು ನಟ ನಾಣಿ ಹೇಳಿದ್ದಾರೆ. ಈ ಎರಡೂ ಸಿನೆಮಾಗಳ ನಿರ್ದೇಶಕ ಎಸ್ ಎಸ್ ರಾಜಮೌಳಿ.
"'ಈಗ ೨' ಯೋಜನೆಯನ್ನು ನಿರ್ದೇಶಿಸಲು ರಾಜಮೌಳಿ ಸರ್ ಉತ್ಸುಕರಾಗಿದ್ದಾರೆ. ಆದರೆ ಇದು ಬಾಹುಬಲಿ೨ ರ ನಂತರವಷ್ಟೇ ಸಾಧ್ಯ" ಎಂದು ನಾಣಿ ತಿಳಿಸಿದ್ದಾರೆ.
ನೊಣ ಪುನರ್ಜನ್ಮ ತಾಳಿ ಸೇಡು ತೀರಿಸಿಕೊಳ್ಳುವ ಕಥೆಯಿದ್ದ ೨೦೧೨ ರ ಬಿಡುಗಡೆ 'ಈಗ' ಪ್ರೇಕ್ಷಕರ ಮಧ್ಯೆ ಬಹಳ ಜನಪ್ರಿಯವಾಗಿತ್ತು. ಇದನ್ನು ಹಿಂದಿಯಲ್ಲಿ 'ಮಕ್ಕಿ' ಎಂಬ ಹೆಸರಿನಲ್ಲಿ ಡಬ್ ಮಾಡಲಾಗಿ, ಅಲ್ಲಿಯೂ ಕೂಡ ಜನಪ್ರಿಯತೆ ಗಳಿಸಿತ್ತು.
'ಈಗ' ದಲ್ಲಿ ಕನ್ನಡ ಸೂಪರ್ ಸ್ಟರ್ ನಟ ಸುದೀಪ್, ಸಮಂತ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದರು.