'ದ ರೆವನಂಟ್' ಚಲನಚಿತ್ರದ ನಟನೆಗಾಗಿ ಲಿಯನಾರ್ಡೋ ಡಿಕ್ಯಾಪ್ರಿಯೋ ಅವರಿಗೆ 73 ನೆ ವಾರ್ಷಿಕ ಗೋಲ್ಡನ್ ಗ್ಲೋಬ್ ಅತ್ಯುತ್ತಮ ನಟ ಪ್ರಶಸ್ತಿ ದೊರಕಿದೆ.

ಇದೇ ಸಿನೆಮಾದ ನಿರ್ದೇಶಕ ಅಲೆಜಾಂಡ್ರೊ ಗೊಂಸಾಲೆಸ್ ಇನರಿತ್ತು ಅವರು ಅತ್ಯುತ್ತಮ ನಿರ್ದೇಶಕ ಪ್ರಶಸ್ತಿ ಪಡೆದಿದ್ದಾರೆ.

ಈ ಪ್ರಶಸ್ತಿಗೆ ಡಿಕ್ಯಾಪ್ರಿಯೋ ಅವರ ೧೧ ನೇ ಬಾರಿಗೆ ನಾಮಕರಣಗೊಂಡಿದ್ದು, ಮೂರನೆ ಬಾರಿಗೆ ಪ್ರಶಸ್ತಿ ಗೆದ್ದಿದ್ದಾರೆ. ಮುಂದಿನ ತಿಂಗಳು ಚೊಚ್ಚಲ ಆಸ್ಕರ್ ಪ್ರಶಸ್ತಿ ಗೆಲ್ಲುವ ನಿರೀಕ್ಷೆಯಲ್ಲಿ ಕೂಡ ನಟ ಕಾಯುತ್ತಿದ್ದಾರೆ.

ಸಂಗೀತಮಯ ಅಥವಾ ಹಾಸ್ಯಮಯ ಚಿತ್ರದ ಅತ್ಯುತ್ತಮ ನಟ ಪ್ರಶಸ್ತಿಯನ್ನು ಮ್ಯಾಟ್ ಡೆಮನ್ ಎರಡನೆ ಬಾರಿಗೆ ಪಡೆದಿದ್ದಾರೆ.

'ಸ್ಟಿವ್ ಜಾಬ್ಸ್' ಬಯೋಪಿಕ್ ನ ಸಂಭಾಷಣೆಗಾಗಿ ಆರನ್ ಸಾರ್ಕಿನ್ ಅವರಿಗೆ ಅತ್ಯುತ್ತಮ ಸ್ಕ್ರೀನ್ ಪ್ಲೇ ಪ್ರಶಸ್ತಿ ದೊರಕಿದೆ.

'ರೂಮ್' ಚಲನಚಿತ್ರದ ನಟನೆಗಾಗಿ ಬ್ರಿ ಲಾರ್ಸನ್ ಅವರಿಗೆ ಡ್ರಾಮಾ ವಿಭಾಗದಲ್ಲಿ ಅತ್ಯುತ್ತಮ ನಟಿ ಪ್ರಶಸ್ತಿ ಸಿಕ್ಕಿದೆ.