ಬೆಂಗಳೂರು: ನರೇಶ್ ಕುಮಾರ್ ನಿರ್ದೇಶನದ ಎರಡನೇ ಚಿತ್ರ 'ರಾಜು ರಂಗಿತರಂಗ' ಸದ್ಯಕ್ಕೆ ಊಟಿಯಲ್ಲಿ ಭರದ ಚಿತ್ರೀಕರಣ ನಡೆಸಿದೆ. '1st ರ್ಯಾಂಕ್ ರಾಜು' ಖ್ಯಾತಿಯ ಗುರುನಂದನ್ ಮತ್ತು 'ರಂಗಿತರಂಗ' ನಟಿ ಅವಂತಿಕಾ ಶೆಟ್ಟಿ ಈ ಸಿನೆಮಾದಲ್ಲಿ ಒಟ್ಟಿಗೆ ನಟಿಸುತ್ತಿದ್ದಾರೆ. 

ಸಿನೆಮಾದಲ್ಲಿ ಈ ಇಬ್ಬರ ಮೊದಲ ನೋಟ ಈಗ ಲಭ್ಯವಿದ್ದು, ಈ ಎರಡು ಪಾತ್ರಗಳ ಬಗ್ಗೆ ನರೇಶ್ ಬೆಳಕು ಚೆಲ್ಲುವುದು ಹೀಗೆ. "ತಮ್ಮ ಮೊದಲ ಚಿತ್ರ '1st ರ್ಯಾಂಕ್ ರಾಜು'ವಿನಲ್ಲಿ ವಿದ್ಯಾರ್ಥಿಯ ಪಾತ್ರ ಮಾಡಿದ್ದ ರಘುನಂದನ್ ಈಗ ಹಳ್ಳಿ ಹುಡುಗನ ಪಾತ್ರ ಮಾಡಲಿದ್ದಾರೆ ಮತ್ತು ಅವಂತಿಕಾ ನಗರ ಬೆಡಗಿಯಾಗಿ ಕಾಣಿಸಿಕೊಳ್ಳಲಿದ್ದಾರೆ" ಎಂದು ವಿವರಿಸುತ್ತಾರೆ. 

ಕೆ ಎ ಸುರೇಶ್ ನಿರ್ಮಾಣದ ಈ ಚಿತ್ರ ಜೀವನ ಪಾಠಗಳ ಬಗೆಯದ್ದಂತೆ. ಸಂದೇಶ ಭರಿತವಾಗಿದ್ದರು ಹಾಸ್ಯ ನಿರೂಪಣೆಯಿರುತ್ತದೆ ಎನ್ನುತ್ತಾರೆ ನರೇಶ್. ಬಹುತೇಕ ಚಿತ್ರೀಕರಣವನ್ನು ಬೆಂಗಳೂರಿನಲ್ಲಿ ನಡೆಸುವುದಾಗಿ ತಿಳಿಸುತ್ತಾರೆ ನಿರ್ದೇಶಕ.