ಭಾರತೀಯ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವದಲ್ಲಿ ತೆರೆ ಕಂಡಿದ್ದ ನಟಸಾಮ್ರಾಟ್ ಚಿತ್ರದಲ್ಲಿ ಅಭಿನಯಿಸಿರುವ ನಾನಾ ಪಾಟೇಕರ್, ನೇಷನ್ ಫಸ್ಟ್ ಎಂಬ ಚಿತ್ರವನ್ನು ಶೀಘ್ರವೇ ಪ್ರಾರಂಭಿಸಲಿದ್ದೇವೆ ಎಂದು ತಿಳಿಸಿದ್ದಾರೆ. ಚಿತ್ರಕ್ಕಾಗಿ ಸೊಗಸಾದ ಕಥೆ ಸಿಕ್ಕಿದ್ದು, ಮುಂದಿನ ವರ್ಷದ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವದಲ್ಲಿ ಇದೇ ಚಿತ್ರ ತೆರೆಕಂಡರೆ ಅಚ್ಚರಿ ಇಲ್ಲ ಎಂದು ಹೇಳಿದ್ದಾರೆ. 

ಸುಮಾರು 100 ನಿಮಿಷಗಳ ಚಿತ್ರವಾಗಿರುವ ನೇಷನ್ ಫಸ್ಟ್ ನಲ್ಲಿ ಯಾವುದೇ ಹಾಡುಗಳಿಲ್ಲ. 100 ನಿಮಿಷಗಳಲ್ಲಿ ಒಂದು ಕಥೆಯನ್ನು ಹೇಳಬಹುದು, ಅದ್ಕಕಾಗಿ 3 ಗಂಟೆ ಸಿನಿಮಾ ಮಾಡಬೇಕಿಲ್ಲ ಎಂದು ನಾನಾಪಾಟೇಕರ್ ಹೇಳಿದ್ದಾರೆ.  ಕ್ರಿಕೆಟರ್ ಗಳು ಹಾಗೂ ಚಿತ್ರನಟರಿಗೆ ಪ್ರತಿ ದಿನವೂ ಟೆಸ್ಟ್ ಪಂದ್ಯ ಇರುತ್ತದೆ. ಹಿಂದೆ ಎಷ್ಟೋ ಶತಕಗಳನ್ನು ಗಳಿಸಿರಬಹುದು. ಆದರೆ ಈಗೇನು ಮಾಡಿದ್ದೀರಿ ಎಂಬುದು ಮುಖ್ಯವಾಗಲಿದೆ ಎಂದು ನಾನಾಪಾಟೇಕರ್ ತಮ್ಮ ಹೊಸ ಚಿತ್ರದ ಬಗ್ಗೆ ಮಾತನಾಡಿದ್ದಾರೆ.