ನವದೆಹಲಿ: ಬಹುನಿರೀಕ್ಷಿತ ಎಸ್‌.ಎಸ್‌ ರಾಜಮೌಳಿ ನಿರ್ದೇಶನದ, 'ಬಾಹುಬಲಿ 2' ಚಿತ್ರದ ಲೋಗೋ ಬಿಡುಗಡೆಯಾಗಿದೆ. ಈ ಹಿಂದೆ ತೆರೆಕಂಡ 'ಬಾಹುಬಲಿ' ಚಿತ್ರದ ಮುಂದುವರೆದ ಭಾಗವಾಗಿದೆ ಬಾಹುಬಲಿ 2
ಚಿತ್ರತಂಡ ಲೋಗೋ ಬಿಡುಗಡೆ ಮಾಡಿದೆ. ಚಿತ್ರದ ಲೋಗೋದಲ್ಲಿ "Why Kattapa Killed Baahubali" (WKKB- ಕಟ್ಟಪ್ಪಾ ಬಾಹುಬಲಿಯನ್ನೇಕೆ ಕೊಂದ) ಎಂಬ ಹ್ಯಾಶ್‌ಟ್ಯಾಗ್‌ ಸಹ ಬಳಸಲಾಗಿದೆ.
ಈ ಸಂದರ್ಭದಲ್ಲಿ ಮಾತನಾಡಿದ ನಿರ್ದೇಶಕ ರಾಜಮೌಳಿ, ಚಿತ್ರದ ಶೂಟಿಂಗ್‌ ಡಿಸೆಂಬರ್‌ನಲ್ಲಿ ಪೂರ್ಣಗೊಳ್ಳಲಿದೆ. ಒಂದಷ್ಟು ದೃಶ್ಯಗಳು ಮತ್ತು ಎರಡು ಹಾಡುಗಳ ಚಿತ್ರೀಕರಣ ಬಾಕಿ ಇದೆ. ಮುಂದಿನ ವರ್ಷ ಏಪ್ರಿಲ್‌ 28ರಂದು ಚಿತ್ರ ತೆರೆಗೆ ಬರಲಿದ್ದು, ಅಕ್ಟೋಬರ್‌ 22 ಅಂದ್ರೆ ಪ್ರಭಾಸ್‌ ಜನ್ಮದಿನದಂದು ಚಿತ್ರದ ಫಸ್ಟ್‌ ಲುಕ್‌ ಬಿಡುಗಡೆಯಾಗಲಿದೆ' ಎಂದು ತಿಳಿಸಿದರು.