ನವದೆಹಲಿ: ವಿವಾದಾತ್ಮಕ ನಿರ್ದೇಶಕ ರಾಮ್ ಗೋಪಾಲ್ ವರ್ಮಾ ಟೈಗರ್ ಶ್ರಾಫ್ ವಿರುದ್ಧ ಅನುಚಿತ ಶಬ್ದ ಬಳಸಿ ಮತ್ತೊಮ್ಮೆ ಸಂಕಷ್ಟದಲ್ಲಿ ಸಿಲುಕಿದ್ದಾರೆ.
ಸನ್ನಿ ಲಿಯೋನ್ ನಂತರ ಪ್ರತಿಭಾವಂತ ನಟ ಟೈಗರ್ ಶ್ರಾಫ್ ವಿರುದ್ಧ ಅವಹೇಳನ ಕಾರಿಯಾಗಿ ಮಾತನಾಡಿದ್ದಾರೆ. ಟೈಗರ್ ಶ್ರಾಫ್ ಬಗ್ಗೆ ಆರ್ ಜಿವಿ ಬಳಸಿರುವ ಶಬ್ದಗಳನ್ನು ಕಾಲ್ ರೆಕಾರ್ಡ್ ಮಾಡಿರುವ ಮತ್ತೊಬ್ಬ ನಟ ವಿದ್ಯುತ್ ಜಾಮ್ವಾಲ್ ಅದನ್ನು ಟ್ವಿಟ್ಟರ್ ನಲ್ಲಿ ಅಪ್ ಲೋಡ್ ಮಾಡಿದ್ದಾರೆ.
ಕುಡಿತ ಮತ್ತಿನಲ್ಲಿದ್ದ ರಾಮ್ ಗೋಪಾಲ್ ವರ್ಮಾ' ನಾನು ನನ್ನ ಜೀವನದಲ್ಲಿ ನೋಡಿದ ಅತಿ ದೊಡ್ಡ ಮಹಿಳೆ ಟೈಗರ್ ಶ್ರಾಫ್ ಎಂದು ಹೇಳಿದ್ದಾರೆ. ಜೊತೆಗೆ ಅನೇಕ ಅನುಚಿತ ಪದಗಳನ್ನು ಬಳಸಿದ್ದಾರೆ ಎನ್ನಲಾಗಿದೆ.
ವಿದ್ಯುತ್ ಜಾಮ್ವಾಲ್ ಮತ್ತು ರಾಮ್ ಗೋಪಾಲ್ ವರ್ಮಾ ಇಡೀ ಸಂಭಾಷಣೆ ಸಾಮಾಜಿಕ ಮಾಧ್ಯಮಗಳಲ್ಲಿ ಹರಿದಾಡುತ್ತಿದೆ. ಇನ್ನು ವಿದ್ಯುತ್ ಜಾಮ್ವಾಲ್ ತಮ್ಮ ಸಂಭಾಷಣೆಯನ್ನು ಬಹಿರಂಗ ಪಡಿಸಿರುವುದಕ್ಕೆ ರಾಮ್ ಗೊಪಾಲ್ ವರ್ಮಾ ಟ್ವೀಟ್ ಮಾಡಿದ್ದಾರೆ.