ಚೆನ್ನೈ:  ದೇಶದ ಅತ್ಯಂತ ದುಬಾರಿ ಸಿನಿಮಾವಾಗಲಿದೆ ಎಂದು ಸುದ್ದಿ ಮಾಡಿರುವ ‘ಸಂಘಮಿತ್ರ’ ಚಿತ್ರದಲ್ಲಿ ನಾಯಕಿಯಾಗಿ ಶ್ರುತಿ ಹಾಸನ್ ಅಭಿನಯಿಸಲಿದ್ದಾರೆ.

ನಿರ್ದೇಶಕ ಸಿ. ಸುಂದರ್ ಅವರ ಮಹತ್ವಾಕಾಂಕ್ಷಿ ಚಿತ್ರ ‘ಸಂಘಮಿತ್ರ’ 400 ಕೋಟಿ ರೂ. ವೆಚ್ಚದಲ್ಲಿ ಭರ್ಜರಿಯಾಗಿ ನಿರ್ವಣವಾಗಲಿದೆಯಂತೆ. ನಟ ವಿಜಯ್ ನಾಯಕನಾಗಿ ನಟಿಸಬೇಕಾಗಿದ್ದ ಈ ಚಿತ್ರಕ್ಕೆ ಕೊನೆಯ ಹಂತದಲ್ಲಿ ಬದಲಾವಣೆಯಾಗಿ, ‘ಜಯಂ’ ರವಿ ಮತ್ತು ಆರ್ಯ ನಾಯಕರಾಗಿದ್ದಾರೆ.

ಸದ್ಯ ಸಿಂಗಂ 3 ಯಶಸ್ಸಿನಿಂದ ಖುಷಿಯಾಗಿರುವ ಶ್ರುತಿಗೆ ಈ ಅವಕಾಶ ಅವರಲ್ಲಿನ ಸಂಭ್ರಮವನ್ನು ಹೆಚ್ಚಾಗಿಸಿದೆ. ಅಲ್ಲದೆ ‘ಜಯಂ’ ರವಿ, ಆರ್ಯ ಜತೆಗೆ ಶ್ರುತಿ ಹೆಸರು ಕೂಡ ಚಿತ್ರದ ತಾರಾಗಣದಲ್ಲಿ ಸೇರಿಕೊಂಡಿರುವುದರಿಂದ ಈಗ ಸಿನಿಮಾ ಕುರಿತ ಕುತೂಹಲವೂ ಹೆಚ್ಚಾಗಿದೆ.

ಚಿತ್ರಕ್ಕೆ ಎ.ಆರ್. ರೆಹಮಾನ್ ಸಂಗೀತ ನಿರ್ದೇಶಿಸಲಿರುವುದರಿಂದ ಸಂಗೀತಪ್ರಿಯರು ಕೂಡ ಚಿತ್ರದ ಮತ್ತಷ್ಟು ಅಪ್​ಡೇಟ್​ಗಳಿಗಾಗಿ ಕಿವಿಯಾನಿಸಿಕೊಂಡು ಕಾಯುತ್ತಿದ್ದಾರೆ.