ಚೆನ್ನೈ: ಬಹುಭಾಷಾ ನಟ ಕಮಲ್ ಹಾಸನ್ ಕ್ವೀನ್‌ ಎಲಿಜಬೆತ್‌ II ಬಕಿಂಗ್‌ ಹ್ಯಾಮ್‌ ಅರಮನೆಯಲ್ಲಿ ಆಯೋಜಿಸಿದ್ದ ಔತಣಕೂಟದಲ್ಲಿ ಪಾಲ್ಗೊಂಡಿದ್ದರು.

ಯುಕೆ- ಇಂಡಿಯಾ ಇಯರ್ ಆಫ್ ಕಲ್ಚರ್ 2017 ಸಮಾರಂಭದಲ್ಲಿ ಪಾಲ್ಗೊಂಡಿದ್ದ ಕಮಲ್‌ ಎಲಿಜಬೆತ್ II ರ ಭೇಟಿ ಕುರಿತಂತೆ ಫೇಸ್‌ಬುಕ್‌ನಲ್ಲಿ ಮಾಹಿತಿ ನೀಡಿದ್ದಾರೆ. ಈ ಸಂದರ್ಭದಲ್ಲಿ ಅವರು 1997ರ ಹಳೆಯ ನೆನಪೊಂದನ್ನು ಮೆಲುಕು ಹಾಕಿದ್ದಾರೆ.

1997ರಲ್ಲಿ ಇಂಗ್ಲೆಂಡ್‌ನ ರಾಣಿ ಎಲಿಜಬೆತ್ II ಭಾರತಕ್ಕೆ ಭೇಟಿ ಕೊಟ್ಟಾಗ ಅವರು ಕಮಲ್ ಅಭಿನಯಿಸುತ್ತಿದ್ದ  'ಮರುಧನಾಯಗಂ' ಚಿತ್ರದ ಶೂಟಿಂಗ್‌ ಸೆಟ್‌ಗೆ ಭೇಟಿ ಕೊಟ್ಟಿದ್ದರು. ಆ ಸಂದರ್ಭವನ್ನು ಕಮಲ್‌ಹಾಸನ್‌ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ.

ಕ್ವೀನ್‌ ಎಲಿಜಬೆತ್‌ ತನ್ನ ಇಡೀ ಜೀವನದಲ್ಲಿ ನೋಡಿರುವ ಏಕೈಕ ಸಿನಿಮಾ ಶೂಟಿಂಗ್‌ ಬಹುಶಃ ಇದೇ ಆಗಿರಬಹುದು ಎಂದು ಕಮಲ್ ಸಾಮಾಜಿಕ ಜಾಲತಾಣಗಳಲ್ಲಿ ಆ ದಿನಗಳನ್ನು ಸ್ಮರಿಸಿದ್ದಾರೆ.