ಬೆಂಗಳೂರು: ಬಹುಭಾಷಾ ಸಿನಿಮಾ ಕೆಜಿಎಫ್ ಹಲವು ಕಾರಣಗಳಿಗಾಗಿ ಜಾಗತಿಕ ಮಟ್ಟದಲ್ಲಿ ಸುದ್ದಿಯಾಗುತ್ತಿದೆ. ಈ ಪೈಕಿ ಈಗ ಸದ್ದು ಮಾಡುತ್ತಿರುವ ಸುದ್ದಿ ಗಲಿ ಗಲಿ ಹಾಡಿನ ಕುರಿತಾದದ್ದು.
ಗಲಿ ಗಲಿ ಹಾಡು ಬಿಡುಗಡೆಯಾಗಿ 24 ಗಂಟೆಯಲ್ಲೇ ಅತೀ ಹೆಚ್ಚು ವೀಕ್ಷಣೆ ಪಡೆದು ನಂಬರ್ 1 ಸ್ಥಾನದಲ್ಲಿತ್ತು. ಈ ಬೆನ್ನಲ್ಲೇ ಈ ಹಾಡಿಗೆ ಮತ್ತೊಂದು ಗರಿ ಮುಡಿಗೇರಿದ್ದು, ಜಾಗತಿಕ ಮಟ್ಟದಲ್ಲಿ ಗಲಿ ಗಲಿ ಹಾಡನ್ನು ಕೇಳಿಸಿಕೊಂಡವರು ಯಶ್ ಬಗ್ಗೆ ತಿಳಿದುಕೊಳ್ಳಲು ಪ್ರಾರಂಭಿಸಿದ್ದಾರೆ. ಗಲಿ ಗಲಿ ಹಾಡನ್ನು ಕೇಳಿಸಿಕೊಂಡಿರುವ ಬೇರೆ ಬೇರೆ ದೇಶಗಳ ಜನರೂ ಸಹ ಹಾಡನ್ನು ಮೆಚ್ಚಿಕೊಂಡಿದ್ದು, ಯಶ್ ಬಗ್ಗೆ ತಿಳಿದುಕೊಳ್ಳುವುದಕ್ಕೆ ಪ್ರಾರಂಭಿಸಿದ್ದಾರೆ.
ಆಸ್ಟ್ರೇಲಿಯಾದಲ್ಲಿರುವ ಪಾಕಿಸ್ತಾನ ಪ್ರಜೆ ಅಸ್ಸಾದ್ ಅರ್ಮಾನಿ ಯೂಟ್ಯೂಬ್ ನಲ್ಲಿ ಗಲಿ ಗಲಿ ಹಾಡಿನ ಬಗ್ಗೆ ಪ್ರತಿಕ್ರಿಯೆ ನೀಡಿದ್ದು, ಹಾಡನ್ನು ಮೆಚ್ಚಿಕೊಂಡಿದ್ದೇನೆ, ಈ ಹಾಡನ್ನು ನೋಡಿದ ನಂತರ ಯಶ್ ಬಗ್ಗೆ ತಿಳಿದುಕೊಳ್ಳುತ್ತಿದ್ದೇನೆ ಎಂದು ಹೇಳಿದ್ದಾರೆ. ಇನ್ನು ಜಪಾನ್ ನಲ್ಲೂ ಸಹ ಯಶ್ ಅಭಿನಯದ ಗಲಿ ಗಲಿ ಹಾಡಿನ ಬಗ್ಗೆ ಮೆಚ್ಚುಗೆ ವ್ಯಕ್ತವಾಗುತ್ತಿವೆ.
ಗಲಿ ಗಲಿ ಹಾಡಿಗೆ ಹೆಜ್ಜೆ ಹಾಕಿದ ನಂತರ ಹಾಡುಗಳಲ್ಲಿ ನೃತ್ಯ ಮಾಡುವ ಭಾಗದ ಚಿತ್ರೀಕರಣಕ್ಕಾಗಿ ತಮಗೆ ಹೆಚ್ಚು ಅವಕಾಶಗಳು ಸಿಗುತ್ತಿವೆ ಎಂದು ಮೌನಿ ರಾಯ್ ಕೂಡ ಸಂತಸ ವ್ಯಕ್ತಪಡಿಸಿದ್ದಾರೆ.