ಹೈದರಾಬಾದ್: ಟಾಲಿವುಡ್ ಕಾಸ್ಟಿಂಗ್ ಕೌಚ್ ಬಗ್ಗೆ ಮಾತನಾಡಿ ಸುದ್ದಿಯಾಗಿರುವ ನಟಿ ಶ್ರೀರೆಡ್ಡಿಗೆ ನಿರ್ದೇಶಕ ರಾಘವ ಲಾರೆನ್ಸ್ ಸವಾಲ್ಲೊಂದನ್ನು ಹಾಕಿದ್ದರು.
ಈ ಸವಾಲನ್ನು ಸ್ವೀಕಿಸಿದ ನಟಿ ಶ್ರೀರೆಡ್ಡಿ ಇದೀಗ ತಮ್ಮ ಫೇಸ್ ಬುಕ್ ನಲ್ಲಿ ತಮ್ಮದೊಂದು ಹಾಟ್ ವಿಡಿಯೋವನ್ನು ಹಾಕುವ ಮೂಲಕ ಗಮನ ಸೆಳೆದಿದ್ದಾರೆ.
ರಾಘವ ಲಾರೆನ್ಸ್ ಇತ್ತೀಚೆಗೆ ಸುದ್ದಿಗೋಷ್ಠಿಯಲ್ಲಿ ಶ್ರೀರೆಡ್ಡಿಗೆ ಸವಾಲೊಂದನ್ನು ಹಾಕಿದ್ದರು. ನೀವು ನಿಜವಾಗಿಯೂ ನಟಿಯಾಗಿದ್ದರೆ, ನಿಮ್ಮಲ್ಲಿ ನಟನಾ ಕೌಶಲ್ಯವಿದ್ದರೆ, ಅದನ್ನು ಸಾಬೀತು ಪಡಿಸಿ. ನಿಮ್ಮ ಪ್ರತಿಭೆ ಮೂಲಕ ನಮ್ಮನ್ನು ಇಂಪ್ರೆಸ್ ಮಾಡಿದ್ರೆ ನನ್ನ ಮುಂದಿನ ಚಿತ್ರದಲ್ಲಿ ನಿಮಗೆ ಖಂಡಿತವಾಗಿಯೂ ಅವಕಾಶ ನೀಡುತ್ತೇನೆ ಎಂದು ಹೇಳಿದ್ದರು.
ಇದಕ್ಕೆ ಶ್ರೀರೆಡ್ಡಿ ಹಾಟ್ ವಿಡಿಯೋ ಶೇರ್ ಮಾಡಿದ್ದು ಇದರ ಜತೆಗೆ ಇದು ನನ್ನ ಸಾಮಾನ್ಯ ಪ್ರತಿಭೆ, ದಯವಿಟ್ಟು ನೋಡಿ. ನಿಮಗಾಗಿಯೇ ಇದನ್ನು ಮಾಡಿದ್ದು ಎಂದು ಬರೆದುಕೊಂಡಿದ್ದಾರೆ.
ತೆಲುಗು ಚಿತ್ರರಂಗದಲ್ಲಿನ ನಡೆಯುತ್ತಿರುವ ಕಾಸ್ಟಿಂಗ್ ಕೌಚ್(ಲೈಂಗಿಕ ಕಿರುಕುಳ) ನಿಲ್ಲಿಸಬೇಕು ಎಂದು ಒತ್ತಾಯಿಸಿ ಟಾಲಿವುಡ್ ನಟಿ ಶ್ರೀರೆಡ್ಡಿ ಅವರು ಈ ಹಿಂದೆ ತೆಲುಗು ಚಲನಚಿತ್ರ ವಾಣಿಜ್ಯ ಮಂಡಳಿ ಮುಂಭಾಗ ಮಾಧ್ಯಮಗಳ ಮುಂದೆಯೇ ಬಟ್ಟೆ ಕಳಚಿ ಅರೆನಗ್ನ ಪ್ರತಿಭಟನೆ ನಡೆಸಿದರು.