ದಕ್ಷಿಣ ಭಾರತದ ನಟಿ ಭಾವನ ಅಭಿನಯದ ದುನಿಯಾ ಸೂರಿ ನಿರ್ದೇಶನದ ಟಗರು ಚಿತ್ರ ಬಾಕ್ಸ್ ಆಫೀಸ್ ನಲ್ಲಿ ಭರ್ಜರಿ ಕಲೆಕ್ಷನ್ ಮಾಡುತ್ತಿದೆ. 

ಈ ಬಗ್ಗೆ ಮಾತನಾಡಿರುವ ಭಾವನ ಅವರು, ನಿರ್ದೇಶಕ ಸೂರಿ ಅವರು ಅದ್ಭುತ ಚಿತ್ರವೊಂದನ್ನು ನೀಡಿದ್ದಾರೆ. ಅದರಲ್ಲಿ ನಾನು ಒಂದು ಪಾತ್ರ ಮಾಡಿರುವುದು ನಿಜಕ್ಕೂ ಖುಷಿಯ ವಿಚಾರ ಎಂದರು. 

ನಟ ಪ್ರಜ್ವಲ್ ದೇವರಾಜ್ ಅಭಿನಯದ ಇನ್ಸ್ಪೆಕ್ಟರ್ ವಿಕ್ರಮ್ ಚಿತ್ರದಲ್ಲಿ ಭಾವನ ಅಭಿನಯಿಸುತ್ತಿದ್ದು ಮುಂದಿನ ವಾರದಿಂದ ಚಿತ್ರೀಕರಣದಲ್ಲಿ ಭಾಗಿಯಾಗುತ್ತಿದ್ದಾರೆ. ಇನ್ನು ಚಿತ್ರದ ಕುರಿತು ಮಾಹಿತಿ ಬಿಟ್ಟುಕೊಡದ ಅವರು ಚಿತ್ರದಲ್ಲಿ ತಾವು ಡ್ರಗ್ ಡೀಲರ್ ಪಾತ್ರದಲ್ಲಿ ಅಭಿನಯಿಸುತ್ತಿದ್ದೇನೆ ಎಂದಷ್ಟೇ ಹೇಳಿದರು. 

ನಾನು ಪ್ರಮುಖ ಪಾತ್ರಗಳಲ್ಲಿ ಅಭಿನಯಿಸಬೇಕು ಎಂದು ಎದುರು ನೋಡುತ್ತಿದ್ದೇನೆ. ಆದರೆ ಪುರುಷ ಪ್ರಾಬಲ್ಯದ ಉದ್ಯಮದಲ್ಲಿ ಅದು ಅಸಾಧ್ಯ. ಆದರೂ ಕೆಲವೊಮ್ಮೆ ಅಂತಹ ಪಾತ್ರಗಳು ಸಿಗುತ್ತದೆ ಎಂದರು. 

ಚಿತ್ರದಲ್ಲಿ ನಾನು ಗ್ಲಾಮರಸ್ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿಲ್ಲ. ನನ್ನ ಮದುವೆಗೂ ಮುನ್ನ ಹಾಗೂ ಮದುವೆ ನಂತರವೂ ನಾನು ಯಾವುದೇ ಚಿತ್ರಗಳಲ್ಲಿ ಗ್ಲಾಮರಸ್ ಆಗಿ ಕಾಣಿಸಿಕೊಂಡಿರಲಿಲ್ಲ. ಕೆಲ ಉಡುಪುಗಳು ನನಗೆ ಒಗುತ್ತದೆ ಎಂದರೆ ಅಂತಹ ಉಡುಪುಗಳನ್ನು ನಾನು ಧರಿಸುತ್ತೇನೆ ಎಂದರು.