ಕಾರ್ತಿಕೇಯ-ಪೂಜಾ-ಜಗಪತಿ ಬಾಬು-ರಾಜಮೌಳಿ
ಬ್ಲಾಕ್ ಬಸ್ಟರ್ ಚಿತ್ರ ಬಾಹುಬಲಿ ಸೃಷ್ಟಿಕರ್ತ ಎಸ್ಎಸ್ ರಾಜಮೌಳಿ ಪುತ್ರ ಎಸ್ಎಸ್ ಕಾರ್ತಿಕೇಯ ಟಾಲಿವುಡ್ ನ ಹಿರಿಯ ನಟ ಜಗಪತಿ ಬಾಬು ಸೋದರನ ಪುತ್ರಿ ಜೊತೆ ನಿಶ್ಚಿತಾರ್ಥ ಮಾಡಿಕೊಂಡಿದ್ದಾರೆ.
ಜಗಪತಿ ಬಾಬು ಸಹೋದರ ರಾಮ್ ಪ್ರಸಾದ್ ಪುತ್ರಿ ಪೂಜಾ ಪ್ರಸಾದ್ ಅವರೊಂದಿಗೆ ಎಸ್ಎಸ್ ಕಾರ್ತಿಕೇಯ ಬುಧವಾರ ಗಣ್ಯರ ಸಮಾಕ್ಷಮದಲ್ಲಿ ನಿಶ್ಚಿತಾರ್ಥ ಮಾಡಿಕೊಂಡಿದ್ದಾರೆ.
ಮೂಲಗಳ ಪ್ರಕಾರ ಇವರಿಬ್ಬರ ಮದುವೆ ಡಿಸೆಂಬರ್ ನಲ್ಲಿ ನಡೆಯಲಿದೆ ಎಂದು ತಿಳಿದುಬಂದಿದೆ. ಪೂಜಾ ಪ್ರಸಾದ್ ಶಾಸ್ತ್ರಿಯ ಸಂಗೀತ ಕಲಿತಿದ್ದು ಭಕ್ತಿಗೀತೆಗಳನ್ನು ಹಾಡುವ ಮೂಲಕ ತನ್ನದೇ ಆದ ಛಾಪು ಮೂಡಿಸಿದ್ದಾರೆ.
ಎಸ್ಎಸ್ ಕಾರ್ತಿಕೇಯ ಯೂನಿಟ್ ನಿರ್ದೇಶಕರಾಗಿ ತಂದೆ ಎಸ್ಎಸ್ ರಾಜಮೌಳಿ ಜತೆಗೆ ಕೆಲಸ ಮಾಡುತ್ತಿದ್ದಾರೆ. ಇನ್ನು ಪೂಜಾ ಜತೆಗೆ ನಿಶ್ಚಿತಾರ್ಥ ಆಗಿರುವ ಸಂಗತಿಯನ್ನು ಕಾರ್ತಿಕೇಯ ಟ್ವೀಟರ್ ಮೂಲಕ ಹಂಚಿಕೊಂಡಿದ್ದಾರೆ.
Follow KannadaPrabha channel on WhatsApp
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Subscribe to KannadaPrabha YouTube Channel and watch Videos