ನಟ, ನಿರ್ದೇಶಕ ರಮೇಶ್ ಅರವಿಂದ್ ಅವರ ಮುಂದಿನ ನಿರ್ದೇಶನದ ಚಿತ್ರದಲ್ಲಿ ಸುವರ್ಣ ಸುಂದರಿ ಚಿತ್ರದ ನಟಿ ಪೂರ್ಣ ಅಭಿನಯಿಸಲಿದ್ದಾರೆ.
ಬಟರ್ ಫ್ಲೈ ಬಳಿಕ ರಮೇಶ್ ಅರವಿಂದ್ ಹೊಸ ಯೋಜನೆಗೆ ಕೈ ಹಾಕಿದ್ದಾರೆ. ಈ ಚಿತ್ರದಲ್ಲಿ ರಮೇಶ್ ನಟನೆಯ ಜೊತೆಗೆ ನಿರ್ದೇಶನವನ್ನು ಮಾಡುತ್ತಿದ್ದಾರೆ.
ಈ ಚಿತ್ರ ಸಾಮಾಜಿಕ ಮಾಧ್ಯಮ ಮತ್ತು ಇಬ್ಬರು ಮಹಿಳೆಯರ ಸುತ್ತ ಸುತ್ತುವುದರಿಂದ ಅದಾಗಲೇ ರಚಿತಾ ರಾಂ ನನ್ನು ಮೊದಲ ನಾಯಕಿಯಾಗಿ ಆಯ್ಕೆ ಮಾಡಲಾಗಿದೆ. ಇನ್ನು ರಚಿತಾ ರಾಂ ಮತ್ತು ರಮೇಶ್ ಅರವಿಂದ್ ಅವರು ಪುಷ್ಪಕ ವಿಮಾನ ಚಿತ್ರದಲ್ಲಿ ಒಂದಾಗಿ ನಟಿಸಿದ್ದು ಇದು ಈ ಜೋಡಿಯ ಎರಡನೇ ಚಿತ್ರ.
ಬಹುಭಾಷೆಗಳಲ್ಲಿ ನಿರ್ಮಾಣವಾಗಿರುವ ಸುವರ್ಣ ಸುಂದರಿ ಚಿತ್ರದಲ್ಲಿ ಪೂರ್ಣ ಅಭಿನಯಿಸಿದ್ದು ಅವರನ್ನು ರಮೇಶ್ ಅರವಿಂದ್ ತಮ್ಮ ಚಿತ್ರಕ್ಕೆ ಆಯ್ಕೆ ಮಾಡಿಕೊಂಡಿದ್ದಾರೆ.