ಕೇಜ್ರಿಸ್ಟಾರ್ ರವಿಚಂದ್ರನ್ ಅವರ ಪುತ್ರ ವಿಕ್ರಮ್ ತ್ರಿವಿಕ್ರಮ ಚಿತ್ರದ ಮೂಲಕ ನಾಯಕನಾಗಿ ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡುತ್ತಿದ್ದು ಚಿತ್ರದ ಮೊದಲ ಹಾಡಿಗೆ ಖ್ಯಾತ ನೃತ್ಯ ಸಂಯೋಜನೆಗಾರ ರಾಜು ಸುಂದರಂ ಅವರು ಸಂಯೋಜನೆ ಮಾಡುತ್ತಿದ್ದಾರೆ.

ತಾಯಿ ಮತ್ತು ಮಗ ಭಾಂದವ್ಯ ಸಾರುವ ಈ ಹಾಡನ್ನು ವಿ. ನಾಗೇಂದ್ರ ಪ್ರಸಾದ್ ಬರೆದಿದ್ದು ಅರ್ಜುನ್ ಜನ್ಯ ಸಂಗೀತ ಸಂಯೋಜನೆ ಮಾಡಿದ್ದಾರೆ. ಹಾಡಿಗಾಗಿಯೇ 20 ಲಕ್ಷದಲ್ಲಿ ಅದ್ಧೂರಿ ಸೆಟ್ ಅನ್ನು ಹಾಕಲಾಗಿದೆ. ನಾಲ್ಕು ದಿನಗಳ ಕಾಲ ಹಾಡಿನ ಚಿತ್ರೀಕರಣ ನಡೆಯಲಿದೆ.

ವಿಕ್ರಮನಿಗೆ ತಾಯಿಯಾಗಿ ತುಳಸಿ ಅಭಿನಯಿಸಿದ್ದು ಚಿಕ್ಕಣ್ಣ ಕಾಮಿಡಿ ಝಲಕ್ ಇರಲಿದೆ. ಈ ಚಿತ್ರದ ಮೂಲಕ ಆಕಾಂಕ್ಷ ಶರ್ಮಾ ಸಹ ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡುತ್ತಿದ್ದಾರೆ. ಚಿತ್ರವನ್ನು ಸಹನ ಮೂರ್ತಿ ನಿರ್ದೇಶಿಸುತ್ತಿದ್ದಾರೆ.