ಬೆಂಗಳೂರು: ಹೊಸ ಚಿತ್ರ `ಏಕ್ ಲವ್ ಯಾ’ ಸಿನಿಮಾದಲ್ಲಿ ಮತ್ತೆ ಬೋಲ್ಡ್ ಅವತಾರದಲ್ಲಿ ಕಾಣಿಸಿಕೊಂಡಿರುವ ಸ್ಯಾಂಡಲ್ ವುಡ್ ಗುಳಿ ಕೆನ್ನೆ ಚೆಲುವೆ ರಚಿತಾ ರಾಮ್ ಗೆ ಹುಚ್ಚ ವೆಂಕಟ್ ವಾರ್ನ್ ಮಾಡಿದ್ದಾರೆ.

ಯಾಕ್ರೀ, ಈ ರೀತಿ ಪಾತ್ರಗಳನ್ನು ಮಾಡಿ ಜನರನ್ನು ಹಾಳು ಮಾಡುತ್ತೀರಾ? ಲಿಪ್ ಕಿಸ್, ಸಿಗರೇಟ್ ಸೇದುವುದರಿಂದ ಹೆಣ್ಣು ಮಕ್ಕಳು ಸಿನಿಮಾ ಥಿಯೇಟರ್ ಗಳಲ್ಲಿ ಕುಳಿತು ಸಿನಿಮಾ ನೋಡಲು ಮುಜುಗರ ಪಡುವಂತಾಗಿದೆ ಎಂದು ಆಕ್ರೋಶ ವ್ಯಕ್ತಪಡಿಸಿದ್ದಾರೆ. 

ಪ್ರತಿಭೆ ಪ್ರದರ್ಶನಕ್ಕೆ ಬೇರೆ ದಾರಿ ಇಲ್ಲವೇ, ಹುಡುಗರು ಪ್ರೀತಿ, ಗೌರವದ ದೃಷ್ಟಿಯಿಂದ ನೋಡಬೇಕು. ಇಂತಹ ಆಶ್ಲೀಲ ಸಿನಿಮಾಗಳಲ್ಲಿ ನಟಿಸಲು ಹಿರೋಯಿನ್ ಪೋಷಕರು ಅವಕಾಶ ನೀಡಬಾರದು ಎಂದು ಸಲಹೆ ನೀಡಿದ್ದಾರೆ. 

ಪ್ರೇಮ್ ನಿನಗೆ ಬೇಕಿತ್ತಾ? ಇದರಿಂದ ಜನರಿಗೆ ಏನು ತೋರಿಸುತ್ತಿದ್ದೀರಾ? ಎಂದು ಪ್ರಶ್ನಿಸಿದ್ದು, ರಚಿತಾ ರಾಮ್  ಲಿಪ್ ಕಿಸ್ , ಸಿಗರೇಟ್ ಸೇದುವ ದೃಶ್ಯಕ್ಕೆ ಕತ್ತರಿ ಹಾಕುವಂತೆ ಒತ್ತಾಯಿಸಿದ್ದಾರೆ. 

ಇತ್ತೀಚಿಗೆ ಬಿಡುಗಡೆಯಾಗಿರುವ ಏಕ್ ಲವ್ ಯಾ ಚಿತ್ರದ ಟೀಸರ್ ನಲ್ಲಿ ರಚಿತಾ ಸಿಗರೇಟ್ ಸೇದಿ, ಹೀರೋಗೆ ಲಿಪ್ ಕಿಸ್  ಕೊಡುವ  ದೃಶ್ಯ ಎಲ್ಲೆಡೆ ವೈರಲ್ ಆಗಿತ್ತು.