ರಾಮ್‌ಚರಣ್ ಪತ್ನಿ ಉಪಾಸನಾ ಕಮಿಸೇನಿ ಕೋನಿಡೇಲಾ ಅವರು URLife ವೆಬ್ ಮತ್ತು ಸೋಷಿಯಲ್ ಮೀಡಿಯಾವನ್ನು ಪ್ರಾರಂಭಿಸಿದ್ದು ಫಿಟ್‌ನೆಸ್, ಹೆಲ್ತ್ ಟಿಪ್ಸ್, ಆರೋಗ್ಯಕರ ಆಹಾರ .. ಪ್ರೋಟೀನ್ ಭರಿತ ಆಹಾರದ ಬಗ್ಗೆ ಜಾಗೃತಿ ಮೂಡಿಸುವ ಸಲುವಾಗಿ ಅವರು ಈ ಜಾಲತಾಣ ಆರಂಭಿಸಿದ್ದಾರೆ.
ಇದರ ಮ್ಯಾನೇಜಿಂಗ್ ಡೈರೆಕ್ಟರ್ ಹಿದ್ದೆ ಅವರು ವಹಿಸಿಕೊಂಡಿದ್ದರೆ ಅತಿಥಿ ಸಂಪಾದಕಿಯನ್ನಾಗಿ ಕೊಡಗಿನ ಕುವರಿ, ಕಿರಿಕ್ ಪಾರ್ಟಿ ಖ್ಯಾತಿಯ ರಶ್ಮಿಕಾ ಮಂದಣ್ಣ ಅವರನ್ನು ನೇಮಕ ಮಾಡಿದ್ದಾರೆ.
ಜೀವನಶೈಲಿಯ ಬಗ್ಗೆ ಹೆಚ್ಚು ಅರಿವು ಮೂಡಿಸುವ ಸಲುವಾಗಿ ಆರೋಗ್ಯಕರ ಆಹಾರ ಸಲಹೆಗಳು ಮತ್ತು ಪಾಕವಿಧಾನಗಳನ್ನು ಪರಿಚಯಿಸುವುದಕ್ಕಾಗಿ ರಶ್ಮಿಕಾ ನಾನಾ ಯೋಜನೆ ಹಾಕಿಕೊಂಡಿದ್ದಾರೆ.
ರಶ್ಮಿಕಾ ಮುಂದಿನ ದಿನಗಳಲ್ಲಿ ಅನೇಕ ಆರೋಗ್ಯಕರ ಪಾಕವಿಧಾನಗಳನ್ನು ಪರಿಚಯಿಸಲಿದ್ದಾರೆ. ಓದುಗರಿಂದ ಉಚಿತ ಟಿಪ್ಸ್ ಗಳು, ಜತೆಗೆ ಅನುಭವಿಗಳಿಂದ ಉಚಿತ ತರಗತಿಗಳು, ಉಪಯುಕ್ತ ಮಾಹಿತಿಗಳು ಈ ಪೋರ್ಟಲ್ ನಲ್ಲಿರಲಿದೆ.