ಕಮರೊಟ್ಟು ಚೆಕ್ ಪೋಸ್ಟ್ ಮತ್ತು ಒಲವೇ ಮಂದಾರ 2 ಚಿತ್ರದಲ್ಲಿನ ಪಾತ್ರಗಳಿಗೆ ಹೆಸರುವಾಸಿಯಾದ ಸನತ್, ತಮ್ಮ ಮುಂದಿನ ಪ್ರಾಜೆಕ್ಟ್ ಚಿ.ತು ಯುವಕರ ಸಂಘ ರಿಲೀಸ್ ಮಾಡಲು ಸಿದ್ಧರಾಗಿದ್ದಾರೆ. ಶಿವು ರಾಮನಗರ ನಿರ್ದೇಶನದ ಸಿನಿಮಾ ಟೀಸರ್ ಇತ್ತೀಚೆಗೆ ಬಿಡುಗಡೆಯಾಗಿದೆ.

ಈ ಸಿನಿಮಾಗೆ ನಿರ್ದೇಶಕ ಮತ್ತು ನಟ ಪ್ರೇಮ್ ಅವರು ಧ್ವನಿ ನೀಡಿದ್ದಾರೆ. ನಿರುದ್ಯೋಗಿ ಯುವಕರ ಸುತ್ತ ಚಿತ್ರ ಕತೆ ಕೇಂದ್ರೀಕೃತವಾಗಿದೆ. ಪೋಷಕರ ಟೀಕೆಗಳನ್ನು ಸಹಿಸಿಕೊಳ್ಳುವ ಸೋಮಾರಿಗಳ ಕಥೆಯಾಗಿದೆ. ಮನರಂಜನೆಯ ಜೊತೆಗೆ ಸಿನಿಮಾದಲ್ಲಿ ಮಹತ್ವದ ಸಾಮಾಜಿಕ ಸಂದೇಶವಿದೆ ಎಂದು ನಟ ಸನತ್ ಹೇಳಿದ್ದಾರೆ.

ಕಿರಣ್‌ ತೋಟಂಬೈಲ್‌ ಸಂಗೀತ ಸಂಯೋಜಿಸಿದ್ದಾರೆ. ಚಿ.ತು ಯುವಕರ ಸಂಘದಲ್ಲಿ ಸನತ್‌ ಗೆ ವರ್ಣಿಕಾ ಶೆಟ್ಟಿ ನಾಯಕಿಯಾಗಿ ಅಭಿನಯಿಸಿದ್ದಾರೆ. ತುಕಾಲಿ ಸಂತು, ಮಹಾಂತೇಶ್‌, ಬಲರಾಜ ವಾಡಿ, ಬಿರಾದಾರ್‌ ಸೇರಿದಂತೆ ದೊಡ್ಡ ಪ್ರತಿಭಾವಂತ ತಾರಾಬಳಗ ಈ ಚಿತ್ರದಲ್ಲಿದೆ. ಟೀಸರ್‌ನಲ್ಲಿ ಈ ಎಲ್ಲಾ ಪಾತ್ರಧಾರಿಗಳನ್ನು ನಿರ್ದೇಶಕ ಜೋಗಿ ಪ್ರೇಮ್‌ ಪರಿಚಯಿಸಿದ್ದಾರೆ. ಜನವರಿ 2024 ರಲ್ಲಿ ಸಿನಿಮಾ ಬಿಡುಗಡೆಗೆ ನಿರ್ಧರಿಸಲಾಗಿದೆ.