ಬೆಂಗಳೂರು: ನಟ ಪ್ರಭಾಸ್ ಹೊಂಬಾಳೆ ಫಿಲ್ಮ್ಸ್ ನಡುವೆ 3 ಸಿನಿಮಾಗಳ ಪಾಲುದಾರಿಕೆಗೆ ಮುಂದಾಗಿದ್ದಾರೆ.
ಪ್ರಭಾಸ್ ಸಲಾರ್: ಪಾರ್ಟ್-1 Ceasefire ನಲ್ಲಿ ಹೊಂಬಾಳೆ ಫಿಲ್ಮ್ಸ್ ನ ಭಾಗವಾಗಿದ್ದರು. ಸಲಾರ್ ಭಾಗ 2 ಜೊತೆಗೆ ಇನ್ನೂ ಎರಡು ಯೋಜನೆಗಳನ್ನು ಒಳಗೊಂಡಿರುವ ಈ ಒಪ್ಪಂದ ಅತ್ಯಂತ ಮಹತ್ವದ ನಟ-ಸ್ಟುಡಿಯೋ ಸಹಯೋಗಗಳಲ್ಲಿ ಒಂದಾಗಿದೆ.
ಈ ಮಾಹಿತಿಯನ್ನು ಹೊಂಬಾಳೆ ಫಿಲ್ಮ್ಸ್ ಸಂಸ್ಥೆ ತನ್ನ ಸಾಮಾಜಿಕ ಮಾಧ್ಯಮದ ಹ್ಯಾಂಡಲ್‌ಗಳಲ್ಲಿ ಘೋಷಿಸಿದ್ದು, ""𝐌𝐚𝐝𝐞 𝐢𝐧 𝐈𝐧𝐝𝐢𝐚 𝐚𝐧𝐝 𝐁𝐮𝐢𝐥𝐭 𝐭𝐨 𝐋𝐚𝐬𝐭! ಭಾರತೀಯ ಸಿನಿಮಾದ ಸಾರವನ್ನು ಜಗತ್ತಿಗೆ ಕೊಂಡೊಯ್ಯುವ ಗುರಿಯನ್ನು ಹೊಂದಿರುವ ಮೂರು-ಚಿತ್ರಗಳ ಪಾಲುದಾರಿಕೆಯಲ್ಲಿ ರೆಬೆಲ್ ಸ್ಟಾರ್ ಪ್ರಭಾಸ್ ಅವರೊಂದಿಗೆ ಒಂದಾಗಲು ನಾವು ಹೆಮ್ಮೆಪಡುತ್ತೇವೆ ಎಂದು ತಿಳಿಸಿದೆ.
"ಇದು ಮರೆಯಲಾಗದ ಸಿನಿಮಾ ಅನುಭವಗಳನ್ನು ಸೃಷ್ಟಿಸುವ ನಮ್ಮ ಬದ್ಧತೆಯ ಘೋಷಣೆಯಾಗಿದೆ. ವೇದಿಕೆ ಸಜ್ಜಾಗಿದೆ ಮತ್ತು ಮುಂದಿನ ಹಾದಿಯು ಅಪರಿಮಿತವಾಗಿದೆ. ಸಿದ್ಧರಾಗಿ, ಪ್ರಯಾಣವು #Salaar2 ನೊಂದಿಗೆ ಪ್ರಾರಂಭವಾಗುತ್ತದೆ..." ಎಂದು ಹೊಂಬಾಳೆ ಫಿಲ್ಮ್ಸ್ ಘೋಷಿಸಿದೆ.
ಹೊಂಬಾಳೆ ಫಿಲ್ಮ್ಸ್ ಜೊತೆಗಿನ ಪ್ರಭಾಸ್ ಅವರ ಹೊಸ ಒಪ್ಪಂದದ ಅಡಿಯಲ್ಲಿ ಮೊದಲ ಪ್ರಾಜೆಕ್ಟ್ ಸಲಾರ್ ಭಾಗ 2 ಆಗಿರಲಿದೆ. ಚಲನಚಿತ್ರವನ್ನು ನಿರ್ದೇಶಕ ಪ್ರಶಾಂತ್ ನೀಲ್ ನಿರ್ದೇಶಿಸಲಿದ್ದಾರೆ. ಉಳಿದ 2 ಸಿನಿಮಾಗಳ ಬಗ್ಗೆ ಹೊಂಬಾಳೆ ಫಿಲ್ಮ್ಸ್ ಕುತೂಹಲವನ್ನು ಹಾಗೇ ಉಳಿಸಿದೆ.