ಲಂಡನ್: ಢಾಕಾದ ರೆಸ್ಟೋರೆಂಟ್ ಮೇಲೆ ಉಗ್ರರು ನಡೆಸಿದ ದಾಳಿ ವೇಳೆ 20 ವಿದೇಶಿಯರು ಸಾವನ್ನಪ್ಪಿದ ಹಿನ್ನಲೆಯಲ್ಲಿ ಮುಂಬರುವ ಬಾಂಗ್ಲಾದೇಶ ಪ್ರವಾಸವನ್ನು ಇಂಗ್ಲೆಂಡ್ ಮತ್ತು ವೇಲ್ಸ್ ಕ್ರಿಕೆಟ್ ಮಂಡಳಿ ರದ್ದು ಪಡಿಸಲಿದೆ ಎಂದು ಹೇಳಲಾಗುತ್ತಿದೆ.
ಈ ಬಗ್ಗೆ ಅಧಿಕೃತ ಪ್ರಕಟಣೆ ಹೊರ ಬೀಳದಿದ್ದರೂ, ಢಾಕಾ ದಾಳಿ ಬೆನ್ನಲ್ಲೇ ಸಭೆ ನಡೆಸಿದ ಅವಳಿ ಕ್ರಿಕೆಟ್ ಮಂಡಳಿ ಸದಸ್ಯರು ಇಂಗ್ಲೆಂಡ್ ತಂಡದ ಬಾಂಗ್ಲಾ ಪ್ರವಾಸವನ್ನು ರದ್ದು ಮಾಡುವ ಕುರಿತು ನಿರ್ಣಯ ಕೈಗೊಂಡಿದ್ದಾರೆ ಎಂದು ತಿಳಿದುಬಂದಿದೆ. ಇದೇ ಸೆಪ್ಟೆಂಬರ್ 30ರಿ೦ದ ಬಾ೦ಗ್ಲಾದೇಶ ಪ್ರವಾಸ ಕೈಗೊಳ್ಳಬೇಕಿದ್ದ ಇ೦ಗ್ಲೆ೦ಡ್ ಕ್ರಿಕೆಟ್ ತಂಡ, 2 ಟೆಸ್ಟ್ ಹಾಗೂ 3 ಏಕದಿನ ಪ೦ದ್ಯಗಳ ಸರಣಿ ಆಡಬೇಕಿತ್ತು.
ಆದರೆ ನಿನ್ನೆ ನಡೆದ ಉಗ್ರ ದಾಳಿಯಿಂದಾಗಿ ಇದೀಗ ಇಡೀ ಪ್ರವಾಸವೇ ರದ್ದಾಗುವ ಭೀತಿ ಎದುರಾಗಿದೆ. ಇನ್ನು ಈ ಬಗ್ಗೆ ಮಾಧ್ಯಮಗಳಿಗೆ ಪ್ರತಿಕ್ರಿಯೆ ನೀಡಿರುವ ಇಂಗ್ಲೆಂಡ್ ಮತ್ತು ವೇಲ್ಸ್ ಕ್ರಿಕೆಟ್ ಮಂಡಳಿ, "ಪ್ರಸ್ತುತ ಬಾ೦ಗ್ಲಾದೇಶದಲ್ಲಿರುವ ವಾತಾವರಣ ಆಟಗಾರರಿಗೆ ಮತ್ತು ಪ್ರೇಕ್ಷಕರಿಗೆ ಸುರಕ್ಷಿತವಾಗಿಲ್ಲ. ಇದರಿ೦ದ ಮು೦ಬರುವ ಪ್ರವಾಸವನ್ನು ರದ್ದುಗೊಳಿಸುವ ಚಿ೦ತನೆಯಲ್ಲಿದ್ದೇವೆ. ಮು೦ದಿನ ದಿನಗಳಲ್ಲಿ ಭದ್ರತೆ ಕುರಿತು ಪರಿಶೀಲನೆ ನಡೆಸಿದ ಬಳಿಕವಷ್ಟೆ ಪ್ರವಾಸದ ಬಗ್ಗೆ ಅ೦ತಿಮ ನಿಧಾ೯ರ ಕೈಗೊಳ್ಳಲಿದ್ದೇವೆ ಎ೦ದು ಇಸಿಬಿ ವಕ್ತಾರ ತಿಳಿಸಿದ್ದಾರೆ.